«Ալաշկերտը» արեց առավելագույնը, իսկ մեկնաբանները հրաշքով փրկվեցին

Ֆուտբոլի Չեմպիոնների լիգայի խաղարկությունը կշարունակվի առանց հայկական ակումբների: «Ալաշկերտը» Բելառուսում ԲԱՏԵ-ի հետ 1:1 խաղալուց հետո հաջողացրեց սեփական դաշտում պարտվել 3:1 հաշվով:

Ընդ որում, առաջինը գոլի հեղինակ դարձան հենց ալաշկերտցիները: Այսուհանդերձ, հետո բելառուսները երեք գոլ խփեցին, քանի որ կարգով ավելի ուժեղ էին, քանի որ հայաստանյան թիմի դարպասապահը Բեգլարյանն էր, եւ քանի որ Հայաստանի առաջնությանը մասնակցում է հազիվ վեց թիմ:

Եւ համաձայնվեք, «Ալաշկերտն» արեց առավելագույնը: Սա հայկական ակումբային ֆուտբոլի առավելագույն մակարդակն է:

Ի դեպ, եթե Հանրային հեռուստաալիքը չի կարողանում որակով հեռարձակում ապահովել, ապա սա արդեն շատ խոսուն փաստ է մեր երկրի իրողությունների մասին: Ի դեպ, ընդմիջմանն էլ իմացանք, որ հաղորդավարներին այնպիսի խցիկ են տրամադրվել, որ առաջին խաղակեսի ընթացքում հաճախ անջատվել են՝ օդի բացակայության պատճառով:

Top-News.am