FIDE Grand Prix. Լեւոն Արոնյանը շարունակում է բաժանել 2-7-րդ տեղերը

Շվեյցարիայի Ժնեւ քաղաքում շարունակվող FIDE Grand Prix երրորդ մրցաշարի չորրորդ տուրից հետո Լեւոն Արոնյանը 2.5 միավորով բաժանում է 2-7-րդ տեղերը: Միանձնյա առաջատարն է 3 միավոր վաստակած Թեյմուր Ռաջաբովը:

Նախորդ 4 պարտիաներում հայկական շախմատի առաջատարը ոչ ոքի է խաղացել չինացի Լի Չաոյի, ադրբեջանցի Թեյմուր Ռաջաբովի ու ռուսաստանցի Ալեքսանդր Գրիշչուկի հետ եւ հաղթել ռուսաստանցի Դմիտրի Յակովենկոյին:

Հուլիսի 10-ին կայանալիք 5-րդ տուրում Լեւոն Արոնյանը սպիտակներով կխաղա ռուս Պյոտր Սվիդլերի հետ, որը եւս ունի 2.5 միավոր:

Հիշեցնենք, որ 9 տուրով անցկացվող մրցաշարին մասնակցում են 18 շախմատիստներ:

NEWS.am Sport