Կարմիր քարտ՝ դաշտ մտնելու փոխարեն

Ավստրալական «Մելբուրն Սիթիի» հարձակվող Թիմ Կեհիլը զվարճալի կարմիր քարտ է ստացել «Մելբուրն Վիկտորիայի» դեմ Ավստրալիայի առաջնության խաղում:

Հանդիպման վերջնամասում «Էվերտոնի» նախկին ֆուտբոլիստը պատրաստվելիս է եղել դուրս գալ փոխարինման, երբ մրցակիցը գոլ է խփել: 37-ամյա Կեհիլը փորձել է թիմակիցների պես եզրային մրցավարից պահանջել է չհաշվել գոլը եւ արձանագրել կանոնների խախտում: Ավստրալացի հարձակվողը նաեւ անպատվել է մրցավարին, ինչի համար ստացել է կարմիր քարտ: Այդ խաղում «Մելբուրն Վիկտորիան» հաղթել է 2:1 հաշվով, փոխանցում է smh.com.au-ն:

Թիմ Կեհիլը 2004-2012-ը խաղացել է անգլիական «Էվերտոնում»:

sport.news.am