Կարեն Կարապետյան. «Ես վստահ եմ, որ ամեն ինչ լավ կլինի»
ՀՀ վարչապետ Կարեն Կարապետյանը պաշտոնական այցով գտնվում է Ռուսաստանի Դաշնության մայրաքաղաք Մոսկվայում:
Կարեն Կարապետյանը և Դմիտրի Մեդվեդևը հանդես են եկել զանգվածային լրատվամիջոցների ներկայացուցիչների համար հանդիպման արդյունքներն ամփոփող հայտարարությամբ:
Դմիտրի Մեդվեդեւը մասնավորապես ասել է, թե մեր հայ ընկերների հետ հանդիպումները, ինչպես միշտ, կառուցողական էին, հագեցած և բարեկամական: «Հենց այդ տրամադրվածությունն է մեզ օգնում լուծել ամենատարբեր խնդիրներ, առավել ևս, որ այս տարի լրանում է մեր երկրների միջև դիվանագիտական հարաբերությունների 25-ամյակը, իսկ մեր ժողովուրդների միջև բարեկամության պատմությունը չափվում է դարերով»,- շեշտել է Մեդվեդեւը:
ՌԴ վարչապետը նաեւ ասել է, թե Ռուսաստանի շուկան մեծ է, և առաջիկայում պետք է կենտրոնանալ նաև այս ուղղությամբ:
«Մենք քննարկել ենք համագործակցության մի շարք այլ ուղղություններ, նաև ներդրումային համագործակցությունը և այդ նպատակով հատուկ հիմնադրամ ստեղծելու գաղափարը: Իմ գործընկերոջ հետ պայմանավորվել ենք համապատասխան գերատեսչություններին հանձնարարական տալ՝ վերլուծելու նման հիմնադրամ ստեղծելու հնարավորությունը, ներդրումային համագործակցության ուղղությունները և ֆինանսավորման աղբյուրները»,- ասել է նա:
Կարեն Կարապետյանն էլ իր հերթին ռուսաստանյան կողմին շնորհակալություն է հայտնել հայաստանյան պատվիրակությանը ցուցաբերած ընդունելության, կառուցողական և բեղմնավոր հանդիպման համար:
«Մենք բոլորովին չենք թաքցնում և հստակ ցույց ենք տալիս, որ Մոսկվա այցը՝ դա այց է բարեկամական, եղբայրական, դաշնակցային երկիր: Ցանկանում եմ հայտարարել ուղիղ, առանց ավելորդ դիվանագիտության, մենք շատ գոհ ենք այսօրվա բանակցություններից և այն արդյունքներից ու հանձնարարականներից, որոնք տրվել են համապատասխան կողմերին՝ հետագա համագործակցության առիթով»,- շեշտել է Կարապետյանը:
Կարեն Կարապետյանը ՌԴ վարչապետին հրավիրել է պաշտոնական այց կատարել Հայաստան:
«Դուք նշեցիք՝ ունեն մեծ ապագա: Ես վստահ եմ, որ ամեն ինչ լավ կլինի»,- ելույթի վերջում ընդգծել է ՀՀ վարչապետը:
Top-News.am
Ուկրաինայի ճակատագիրը կանխորոշված է․ Մեդվեդև
«Իսլամիստական մտածելակերպ է, մնում է չադրա հագնեն». Քանդակագործը ստիպված է եղել դադարեցնել ցուցահանդեսը՝ «մերկ» քանդակների պատճառով
Մոսկվայում հրդեհել են Սամվել Կարապետյանին պատկանող առեւտրի կենտրոնը (Տեսանյութ)
Երևանում խուլիգանական վարք դրսևորելու կասկածանքով ձերբակալվել է լեհական ակումբի 17 երկրպագու
Դաշտ են դուրս գալիս ձեւիստները
Ում դրոշը պետք է երեւա սահմանի այն կողմում
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Բեմ են դուրս գալիս «սոցիոլոգները»
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
200.000 դոլար՝ միջնորդության և 23.000 դոլար՝ կառուցապատման թույլտվության համար. Աղազարյանի գործը դատ...
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)