«Շիրակը» եւ «Փյունիկը» կրկին հիացրին ֆուտբոլասերներին

Ֆուտբոլի Եվրոպայի լիգայի որակավորման առաջին փուլում Հայաստանը ներկայացնող «Շիրակը» եւ «Փյունիկը» կրկին հիացրին ֆուտբոլասերներին եւ սեփական դաշտում 2:0 եւ 4:1 հաշվով համապատասխանաբար պարտվեցին սլովենական «Գորիցային» եւ սլովակյան «Սլովանին»: Համաձայնվեք, մեր ակումբները կարող էին եւ ավելի մեծ հաշվով պարտվել, այնպես որ, ընդունենք, որ նրանք հերթական անգամ հիացրին ֆուտբոլասերներին:

Խաղերի մանրամասներին անդրադառնալն իմաստ չունի,պարզապես արձանագրենք, որ հայաստանյան թիմերը դարպասապահ չունեն կամ նրանց խաբել են, ասելով, թե անպայման պետք է գոլ բաց թողնեն, երբ գնդակն ընթանում է դեպի դարպասը:

Եւս մեկ առաջարկ՝ փակեք հայկական ակումբային ֆուտբոլը, այդպես ավելի ճիշտ կլինի:

Եւ նույնիսկ «Գանձասարի» պարտությունը մրցակցի դաշտում չեռնոգորական թիմից 1:0 հաշվով չի փոխում ամբողջ պատկերը:

Top-News.am