Ռոհանի․ Քաթարի շրջափակումն անընդունելի է

Իրանի նախագահ Հասան Ռոհանին հրաժարվել է միանալ Սաուդյան Արաբիայի նախաձեռնած՝ Քաթարի շրջափակմանը, ընդգծելով, որ ցանկանում է ամրապնդել հարաբերությունները Պարսից ծոցի այդ էմիրության հետ:

Հիշեցնենք, հունիսի 5-ին արաբական մի քանի պետություններ մեղադրեցին Քաթարին ահաբեկչական խմբավորումներին աջակցելու մեջ և դադարեցրին բոլոր տիպի հարաբերությունները այդ երկրի հետ: Քաթարը հերքում է բոլոր մեղադրանքները:

«Թեհրանը Քաթարի ժողովրդի և կառավարության հետ է: Ճնշումները, սպառնալիքները կամ պատժամիջոցները ճիշտ ճանապարհ չեն տարաձայնությունները լուծելու համար», - հայտարարել է Ռոհանին, ավելացնելով՝ Քաթարի շրջափակումն անընդունելի է, և Իրանի օդային, ցամաքային, ջրային տարածքները միշտ բաց են լինելու Քաթարի համար՝ որպես հարևան և եղբայր երկրի:

Պաշտոնական Թեհրանը, հակադրվելով բոյկոտին, արդեն մի քանի տոննա սնունդ է փոխանցել Դոհային:

Այս թեմայով Փաշինյանը մասնակցում է Իրանի նախագահի երդման արարողությանը Իրանը հաստատակամ է Հայաստանի տարածքային ամբողջականության հարցում Իրանի ԶՈՒ գլխավոր շտաբը հրապարակել է Ռաիսիի ուղղաթիռի կործանման պատճառների վերաբերյալ առաջին զեկույցը Իրանի նախագահի ուղղաթիռի կործանման հետևանքով զոհերի մարմիններն ուղարկվել են Թավրիզ, որոնողական աշխատանքներն ավարտվել են Կործանված ուղղաթիռը, որով թռչում էր Ռաիսին, ամերիկյան Bell 212-ն էր. Լրատվամիջոց