Ռուսաստանը պարտվեց նաեւ Մեքսիկայից

Ֆուտբոլի Կոնֆեդերացիաների գավաթի խաղարկությունում սկսվեցին վերջին տուրի հանդիպումները: Այսօր կայացան A խմբի հանդիպումները:

Պորտուգալիան 4:0 հաշվով հաղթեց Նոր Զելանդիային: գոլերը խփեցին Ռոնալդուն, Բեռնարդո Սիլվան, Անդրե Սիլվան եւ Նանին:

Կազանում Ռուսաստանի հավաքականը հանդիպեց Մեքսիկայի ընտրանում: Մեքսիկացիները կրկին առաջինը գոլ բաց թողեցին, բայց նույնիսկ երբ հաշիվը դարձավ 1:0 հօգուտ Ռուսաստանի, ակնհայտ էր, որ դաշտի տերերը կարգով զիջում են կենտրոնաամերիկացիներին:

Սամեդովի գոլին հինգ րոպե անց պատասխանեց Արաուխոն, իսկ երկրորդ խաղակեսի սկզբում Ակինֆեեւի հիմար սխալից հետո հաշիվը 2:1 դարձրեց Լոզանոն:

Ռուսաստանցիներն աչքի ընկան բացառապես անիմաստ կոպիտ խաղով: պատահական չէ, որ դաշտից հեռացվեց Ժիրկովը, երբ արդեն հաշիվը 2:1 էր:

Հաջորդ փուլ դուրս եկան Պորտուգալիայի եւ Մեքսիկայի հավաքականները:

Top-News.am