Վտանգավո՞ր է արդյոք սմարթֆոնից ճառագայթումը
Սմարթֆոնից իսկապես ճառագայթում տեղի է ունենում, բայց այն արդյո՞ք վտանգավոր է: Մասնագետներն այս հարցում առայժմ միասնական կարծիքի չեն: «Պրայմ» գործակալության հետ զրույցում այս մասին ասել է Քիմիական ֆիզիկայի խնդիրների ինստիտուտի աշխատակից, տեխնիկական գիտությունների թեկնածու Սվետլանա Աֆանասեւան (Ռուսաստան):
Նրա խոսքով՝ աշխատելու ժամանակ ցանկացած սարք, այդ թվում՝ սմարթֆոնը, էլեկտրամագնիսական ճառագայթում ունի: Մեծ չափաքնակների դեպքում այդ ճառագայթման ազդեցությամբ օրգանիզմի մոլեկուլները սկսում են ավելի արագ տատանվել եւ տաքանալ: Սակայն, ինչպես պնդում է մասնագետը, սմարթֆոնից ճառագայթումն այնքան փոքր է, որ չի կարող բարձրացնել մարդու մարմնի ջերմությունը:
Մի քանի հետազոտողներ, սակայն, կարծում են, որ հեռախոսից ճառագայթումը կարող է մեծացնել ուղեղի քաղցկեղի զարգացման հավանականությունը: Հարկ է նշել, որ այս հարցում գիտնականների կարծիքները տարբեր են:
Մասնագետի խոսքով՝ Առողջապահության համաշխարհային կազմակերպության 2011 թվականի հաշվետվության մեջ ռադիոհաճախություններում, ներառյալ բջջային կապը, էլեկտրամագնիսական ճառագայթումը դասվել է 2B կարգին:
«Այսինքն՝ ագենտներին, որոնք գուցե մարդու համար քաղցկեղածին են»,- նշել է Աֆանասեւան՝ հավելելով, որ այս կարգի մեջ են մտնում նաեւ ալոե վերան եւ թթու դրած բանջարեղենը:
Արժե, այնուամենայնիվ, զանգերի քանակը կրճատել, որ հեռախոսը գլխին մոտ պահվի նվազագույն չափով, խորհուրդ է տվել մասնագետը:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը