Արտակարգ դրության երկարացումը իշխանության համար բոլորովին այլ խնդիրներ է լուծում. Անի Սամսոնյան
Կորոնավիրուսի համավարակով պայմանավորված արտակարգ դրության երկարացումը իշխանության համար բոլորովին այլ խնդիրներ է լուծում: Այս մասին NEWS.am-ի հետ զրույցում ասաց Ազգային ժողովի «Լուսավոր Հայաստան» խմբակցության անդամ Անի Սամսոնյանը։
«Եթե արտակարգ դրությունը դուրս գար, հաշված օրերի ընթացքում պիտի կազմակերպվեր սահմանադրական հանրաքվե: Իշխանությունը արդեն հետ է կանգնում այն կազմակերպելու մտքից: Մյուս խնդիրը մարդու իրավունքների սահմանափակումն է: Արտակարգ դրությունը հնարավորություն է տալիս ղեկավարել մարդկանց կյանքը, եւ այս հանգամանքը սկսում է իշխանություններին դուր գալ` սահմանափակել մարդկանց ազատ տեղաշարժը, մարդու անձնական ազատությունը, տեղեկատվության ազատությունը, ամենակարեւորը` հավաքների ազատությունը»,- ասաց Սամսոնյանը:
Պատգամավորի խոսքով` կառավարությունը հաճույքով գործադրեց մարդկանց էլեկտրոնային հաղորդակցության միջոցներով տեղորոշելու նախագիծը, որի արդյունավետությունը, Սամսոնյանն ասում է` մինչ օրս այդպես էլ չտեսանք:
«Փաստորեն սա մի գործիք է, որը իրավունք է տվել պետությանը մշակել անձնական այնպիսի տվյալներ, որոնք չգիտես` երրորդ անձանց ձեռքում կհայտնվի, թե ոչ, այն էլ այս իշխանության դեպքում, որ սեփական անձնական տվյալները նույնիսկ չի կարողանում պաշտպանել»,-մտահոգություն հայտնեց Սամսոնյանը:
Պատգամավորը շեշտում է` կորոնավիրուսի համավարակով պայմանավորված այս ընթացքում հասարակության սոցիալ-տնտեսական իրավիճակը գնալով վատանում է, բողոքներ կան սոցիալական տարբեր խնդիրների վերաբերյալ, իսկ կարանտինի ժամանակ արգելվում է հավաքների կազմակերպումը. «Մենք տեսանք, որ ցույց անողներին նույնիսկ արտակարգ դրությունը հետ չի պահում: Մարդիկ կառավարության շենքի դիմաց փորձում էին իրենց բողոքի ձայնը արտահայտել: Նրանց բերման կենթարկեն, որովհետեւ սահմանափակված է հավաքների ազատությունը»:
Մայիսի 18-ից պարետի որոշմամբ պաշտպանիչ դիմակներ կրելու նոր կանոններ սահմանվեցին, ինչը հանրության շրջանում դժգոհության ալիք բարձրացրեց: Սամսոնյանը գտնում է, որ Կառավարությունը պետք է վերանայի դիմակ կրելու պարտադիր պայմանը, քանի որ այն իսկապես հարվածում է քաղաքացիների գրպանին:
Մանրամասները` տեսանյութում
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Առողջապահության նախարարությունը՝ Գագիկ Խաչատրյանի առողջական վիճակի մասին
Սիրո անունը Հայաստան է
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Ընթանում է Գարեգին Բ-ի և 6 եպիսկոպոսի գործով դատական նիստը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
ԱԺ դահլիճում չարժի աստվածաբանական վեճեր ծավալել․ Ռուբինյան
Հակակոռուպցիոն դատարանում շարունակվել է «Մարտի 1»-ի գործով դատավարությունը
Արմավիրի քրեական ոստիկանները բացահայտել են նախկինում կատարված բնակարանային երեք գողություն (տեսանյու...