Իտալիայի խորհրդարանը հավանություն է տվել միջուկային օրենքին

Իտալիայի վարչապետ Ջորջա Մելոնին հայտնել է, որ երկրի խորհրդարանը հավանություն է տվել միջուկային օրենքին: «Գրեթե քառասուն տարի անց Իտալիան նորից ունի միջուկային էներգիայի արտադրության կանոնակարգման իրավական շրջանակ: Խիզախ և ողջամիտ ընտրություն:

Այսօր մենք էլեկտրաէներգիա ենք ներմուծում հարևան երկրներում գործող ատոմակայաններից, սակայն ինքներս չենք կարող այն արտադրել: Այս օրենքը կոչված է փոխելու իրավիճակը»,- հայտնել է նա:

Մելոնին նաև գրել է. «Ի՞նչ է սա նշանակում ընտանիքների և բիզնեսի համար.

• Ավելի մեծ էներգետիկ անվտանգություն. ավելի քիչ կախվածություն օտարերկրյա պետություններից և ավելի քիչ խոցելիություն միջազգային ճգնաժամերի նկատմամբ, որոնց համար մենք վճարել ենք մեր կոմունալ հաշիվներով:

• Կայուն և ցածր արտանետումներով էներգիա, որն աշխատում է բոլոր մյուս աղբյուրների հետ համատեղ՝ սկսած վերականգնվող էներգետիկայից:

• Կոնկրետ պատասխան էլեկտրաէներգիայի աճող պահանջարկին, որը պայմանավորված է տվյալների կենտրոններով (Data centers) և արհեստական բանականությամբ:

Մենք խոսում ենք հաջորդ սերնդի տեխնոլոգիաների, այլ ոչ թե հին ատոմակայանների մասին:

Այժմ կառավարությունը կմշակի անվտանգության, թույլտվությունների ստացման, թափոնների կառավարման և տարածքային հարաբերությունների կարգավորման կանոնակարգերը:

Սա իտալացիներին տրված մեր հանձնառությունն էր, ևս մեկ խոստում, որը մենք կատարեցինք: