«COVID-19 Հայաստան» Փաստահավաք խումբը կոչ է անում Ֆինանսների նախարարությանը հաշվետվություն ներկայացնել
«COVID-19 Հայաստան» Փաստահավաք խումբը կոչ է անում Ֆինանսների նախարարությանը հրապարակել մանրամասն հաշվետվություն կորոնավիրուսի տարածման դեմ պայքարի համար հավաքված գումարների օգտագործման վերաբերյալ։ Այս մասին նշված է «COVID-19 Հայաստան» ՓԽ Ֆեյսբուքյան էջում։
«Մարտի 17-ին բացվեց «Ֆիզիկական անձանց և կազմակերպությունների նվիրաբերությունից պետությանը, կորոնավիրուսային վարակի (COVID-19) կանխարգելման և հաղթահարման ապահովման համար ֆինանսական աջակցություն» հաշվեհամարը։ Ֆինանսների նախարարության հրապարակած տվյալների համաձայն, ապրիլի 28-ին՝ ժամը 18:30-ի դրությամբ մուտքերը կազմել են 1,055 559 226 ՀՀ դրամ, իսկ մուտքերի ընդհանուր քանակը՝ 3952», նշված է Փաստահավաք խմբի հայտարարությունում:
«COVID-19 Հայաստան» Փաստահավաք խումբն արձանագրել է, որ մինչեւ օրս «պատկան մարմինները չեն ներկայացրել ամբողջական հաշվետվություն այն մասին, թե ինչ նպատակներով են ծախսվում վերոնշյալ հաշվեհամարին մուտքագրված գումարները, ի՞նչ եղանակով է կատարվում գնումների գործընթացն՝ արդյոք գնումները կատարվում են մեկ անձից ձեռքբերման միջոցով, թե ոչ, ի՞նչ ընկերություններից են կատարվում գնումներն, ի՞նչ առաջնահերթություններ են սահմանվել հավաքված գումարն օգտագործելիս և այլն»։
«COVID-19 Հայաստան» Փաստահավաք խումբը կոչ է արել Ֆինանսների նախարարությանը «կատարել իր անմիջական պարտականությունը և պահպանելով թափանցիկության սկզբունքը՝ հրապարակել մանրամասն հաշվետվություն հավաքված գումարների օգտագործման վերաբերյալ՝ ներկայացնելով ձեռքբերված ապրանքատեսակներն ու ծառայությունները, մատակարարող ընկերությունների մասին տվյալները»։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...