Առաջարկում եմ ստեղծել տարածական կամ քաղաքային զարգացման նախարարություն. Սարհատ Պետրոսյան
Արտակարգ դրության մեղմացումն արդեն փաստ է, ու հիմա պետք է հասկանանք հետեւանքները։ Այս մասին Ֆեյսբուքի իր էջում գրել է Կադաստրի պետական կոմիտեի նախկին ղեկավար Սարհատ Պետրոսյանը։
«Վերացման թիվ մեկ հիմնավորումը տնտեսական սպասվելիք բարդ իրավիճակը մեղմելու ցանկությունն է, ու արդեն մի շարք քննարկումներ են եղել կառավարությունում, հատկապես նպատակ դնելով կապիտալ ծախսերի միջոցով հասնել տնտեսական ակտիվության։ Հաշվի առնելով առկա կադրային իրավիճակը, կարծում եմ, որ հենց ոչ-պետական դաշտից նախաձեռնությունները կարող են օգնել որոշում ընդունողներին՝ կայացնելու ճիշտ որոշումներ։
Ելնելով դրանից, (մասամբ համակարծիք լինելով նախկին փոխվարչապետ Արմեն Գեւորգյանի հետ) առաջարկում եմ ստեղծել տարածական կամ քաղաքային զարգացման (պայմանական անվանումն ունեցող) նախարարություն, որը կներառի ներկայիս տրասնպորտի, զբոսաշրջության, քաղաքաշինության և (ինչու ոչ նաև) կադաստրի պետական գործառույթներն ու պատասխանատու կլինի խոշոր նախագծերի (իմա՝ կապիտալ ծախսերի) համար։
Սա հատկապես կարեւոր է սպասվելիք վարկային միջոցների ծախսերը խելամիտ ու արագացված կազմակերպելու համար։ Այս համատեսքստում նաև պետք է այդ մարմնին հնարավորություն տալ օպերատիվ կերպով ձեռք բերելու խորհրդատվական ու նախագծային ծառայությունների իրավունք ու օր առաջ սկսել աշխատանքներ։
Հիմնական խնդիրն է, որ այն, ճանապարհաշինական նախագծերից բացի, օրինակ, մշակի համայնքային համակցված կենտրոնի (դպրոց, մանկապարտեզ, մշակույթի տուն) նոր մոդել ու անհատական (շեշտում եմ, որ հետո էլի չասեն՝ տիպային նախագծեր անենք) նախագծերի հիման վրա կարողանա արագ կերպով գրեթե բոլոր բնակավայրերում թարմություն բերել ու միաժամանակ ակտիվացնել տեղական տնտեսությունը։
Համաձայն ՄԻՊ 2019 թվականից զեկույցի, յուրաքանչյուր օր 280’000 հազար աշակերտ (մոտ 80%-ը) հաճախում է սեյսմիկ առումով խոցելի շենքերում տեղակայված դպրոցներ։ Խոսքը մոտ 1’000 շենքերի մասին է, որոնցից յուրաքանչյուրի վրա եթե ծախսենք մոտ 1 մլն դոլար՝ ավելացնելով մոտ 1 մլրդ դոլարի վարկային բեռ, մենք մեր գրեթե բոլոր բնակավայրերում կունենանք ընթացող շինարարություն իր բոլոր դրական հետեւանքներով։ Իհարկե, դա 5-7 տարվա հավակնոտ, բայց և իրատեսական ծրագիր է, որի շնորհիվ մեր երեխաները պաշտպանված կլինեն վերահաս երկրաշարժի վտանգից ու կունենան որակյալ կրթական միջավայր իր բոլոր հետեւանքներով։
Սա նաև լավ առիթ է մասամբ ընդունելու նախկին նախարարությունների «օպտիմալացման» սխալներն ու թեթեւացնելու տարածքային կառավարման և ենթակառուցվածքների նախարարության հոգսը»,– գրել է նա։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...