Կանադացի գիտնականները պատմել են, թե ինչպես են աչքերի շարժումները օգնում վերականգնել հիշողությունները
Փորձելով վերականգնել հիշողությունները՝ ուղեղը տեսողական համակարգին աչքերի հատուկ շարժման հրահանգ է ուղարկում, որն օգնում է հիշողությունը վերականգնելու գործընթացին։ Այն մասին, թե ինչպես են աչքերի շարժումները կապված հիշողության հետ, պատմել են կանադացի հետազոտողները, հայտնում է Planet- today-ը՝ հղում կատարելով PNAS-ին։
Երբ մարդիկ փորձում են ինչ-որ բան հիշել, ապա հաճախ հայացքը տանում են այն կողմ, ուր նրանք նայել են հիշողությունների ձեւավորման պահին։ «Երբ մենք տեսնում ենք օբյեկտը, որն արդեն տեսել ենք նախկինում, ապա աչքերը տանում ենք այն կողմ, որտեղ այդ օբյեկտն առաջին անգամ ենք տեսել։ Ուղեղը վերլուծում է տեսանելի պատկերը եւ համեմատում այն հիշողությունից պատկերի հետ, ինչի շնորհիվ մենք հիշում ենք, թե ինչ օբյեկտ է դա, եւ որտեղ ենք մենք այն տեսել»,- բացատրում է Բեյքրեստի հետազոտական հիվանդանոցի աշխատակից Բրեդլի Բուխսբաումը։
Գիտնականներին հայացքի ուղղության եւ հիշողությունների միջեւ կապը հաջողվել է հաստատել փերձաքննության միջոցով։ Հետազոտողները մարդկանց ցույց են տվել պատկերներ, որոնք նրանք նախկինում կարող էին տեսած լինել, եւ հատուկ սարքի միջոցով հետեւել են նրանց հայացքի ուղղությանը։ Ենթադրվում է, որ բացահայտումը կօգնի գիտնականներին ստեղծել նոր արդյունավետ տեխնոլոգիաներ՝ նեյրոդեգեներատիվ հիվանդությունների ախտորոշման համար, որոնց ժամանակ վնասվում են հիշողության գլխուղեղային կենտրոնները։
Լույսն ամենաթանկ նվերն է, որ կարող ես տալ մարդուն
Շարունակում ենք ստուգայցերը ՊՆ զորամասեր (տեսանյութ)
Դեպի Երևան․ ինչպե՞ս (տեսանյութ)
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Z համաշխարհային պատերազմը վերադառնում է
Առաջին նոր երգ` հարսանիքից հետո
Ով կներկայացնի Հայաստանն այս տարի «Մանկական Եվրատեսիլ» մրցույթում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Երթևեկության կազմակերպման փոփոխություն՝ Վարդանանց փողոցում