ՀԱՄԱՍ-ի հաքերները փորձել են կոտրել իսրայելցի զինվորների հեռախոսները ֆլիրտի համար նախատեսված հավելվածի միջոցով
ՀԱՄԱՍ պաղեստինյան շարժման հաքերները փորձել են կոտրել իսրայելցի զինվորների հեռախոսները ֆլիրտի համար նախատեսված բջջային հավելվածի միջոցով, հաղորդում է Լենտա.Ռու-ն՝ հղում անելով Իսրայելի Պաշտպանության բանակի կայքին:
Հաքերներին բացահայտելու իսրայելյան հակահետախոզության գործողությունը կրել է «Կոտրված սիրտ» անունը: Սկսած հունվարից՝ ՀԱՄԱՍ-ի ներկայացուցիչները ծանոթացել են զինվորների հետ սոցցանցերում՝ ներկայանալով որպես համակրելի երիտասարդ կանայք: Կանանց լուսանկարներն ու անձնական տվյալները վերցվել էին իրական օգտահաշիվներից:
Կանանց էջերով հաքերներն ուղարկում էին գրավոր եւ ձայնային հաղորդագրություններ, նկարներ եւ տեսանյութեր, այնուհետեւ առաջարկում զինվորներին տեղադրել շփման համար ավելի հարմար հավելված՝ Catch&See, ZatuApp եւ GrixyApp, գրում է Daily Mail-ը:
Այդ հավելվածները տեղադրելուց հետո ՀԱՄԱՍ-ին հասանելի էր դառնում իսրայելցի զինվորի սմարթֆոնում պահվող տեղեկատվությունը: Իսրայելի Պաշտպանության բանակի մամուլի ծառայությունում ընդգծել են, որ հաքերների գործողությունները ժամանակին կասեցվել են, իսկ հանցագործներին չի հաջողվել վնաս հասցնել երկրի ազգային բանակին:
Լույսն ամենաթանկ նվերն է, որ կարող ես տալ մարդուն
Շարունակում ենք ստուգայցերը ՊՆ զորամասեր (տեսանյութ)
Դեպի Երևան․ ինչպե՞ս (տեսանյութ)
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Z համաշխարհային պատերազմը վերադառնում է
Առաջին նոր երգ` հարսանիքից հետո
Ով կներկայացնի Հայաստանն այս տարի «Մանկական Եվրատեսիլ» մրցույթում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Երթևեկության կազմակերպման փոփոխություն՝ Վարդանանց փողոցում