Կրկին վարչապետի Գերմանիա այցի մասին. Էդուարդ Աղաջանյանը նոր պարզաբանում է տարածել
ՀՀ վարչապետի աշխատակազմի ղեկավար Էդուարդ Աղաջանյանը Facebook-ում գրառում է արել, որտեղ անդրադարձել է իր նախկին գրառմանը, որը վերաբերում էր Վարչապետի եւ պատվիրակության անդամների՝ Գերմանիայում կեցության ծախսերին:
Նա, մասնավորապես, նշել է. «Պարզվում է, որ հերքման տեքստը ապատեղեկատվություն տարածողների համար բավարար չէր, եւ այս անգամ վերջիններս հղում կատարելով Վարչապետի համապատասխան որոշմանը, գտել են «անհերքելի» ապացույց առ այն, թե իբր ես մոլորեցնում եմ հանրությանը` պնդելով, որ պատվիրակության կեցության ծախսերը ամբողջությամբ հոգում է հրավիրող կողմը:
Ստիպված եմ այստեղ եւս պարզաբանել: Խնդիրն այն է, որ վարչապետի այցը չի սահմանափակվում Բեռլինով: Սույն այցի շրջանակներում պատվիրակությունը պետք է մասնակցի Մյունխենի անվտանգության համաժողովին, որի ընթացքում կեցության ծախսերը հոգում է հայկական կողմը, ուստի որոշման մեջ նշված է, որ համապատասխան բյուջետային տողից գումար կհատկացվի ըստ ՓԱՍՏԱՑԻ կատարված ծախսերի՝ չառանձնացնելով Բեռլինի եւ Մյունխենի կեցության ծախսերը: Թերեւս այսքանը:
Հ.Գ. Ի դեպ, հյուրանոցի նշյալ աշխատողը հեռացված է աշխատանքից, ոչ պրոֆեսիոնալ վարքագիծ ցուցաբերելու համար: Կարծում եմ նման ապատեղեկատվություն տարածողներին իրենց իսկ ֆինանսավորողները պետք է եւս հեռացնեն աշխատանքից նման փնթի եւ էժանագին մանիպուլյացիաների համար: Իսկ ֆինանսավորողների հերթը եւս կհասնի»:
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Շարունակում ենք ստուգայցերը ՊՆ զորամասեր (տեսանյութ)
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Երթևեկության կազմակերպման փոփոխություն՝ Վարդանանց փողոցում
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Վարչապետ Փաշինյանն աշխատանքային այցով մեկնում է ԱՄՆ
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Սպիտակ տունը գործարկել է Trump TV-ն
Թբիլիսիի հեռուստաաշտարակը լուսավորվել է Հայաստանի Հանրապետության դրոշի գույներով