ՈւԵՖԱ-ն հերքում է. Չեմպիոնների լիգայի խաղերը չեն անցկացվի հանգստյան օրերին

ՈւԵՖԱ-ն հերքել է այն տեղեկատվությունը, թե Չեմպիոնների լիգայի քառորդ եզրափակչի և կիսաեզրափակչի խաղերը կարող են անցկացվել հանգստյան օրերին:

«ՈւԵՖԱ»-ն մտադիր չէ ՉԼ-ի 1/4 և 1/2 եզրափակիչների խաղերն անցկացնել հանգստայն օրերին: Միայն եզրափակիչն է անցկացվում և կանցկացվի հանգստյան օրը»,- ասվում է կազմակերպության մամուլի քարտուղարության տարածած հաղորդագրության մեջ:

Հիշեցնենք՝ «France Football»-ն ավելի վաղ հայտնել էր, որ Չեմպիոնների լիգայի փլեյ-օֆ փուլի խաղերը՝ սկսած 2021 թվականից, հնարավոր է՝ տեղափոխվեն շաբաթ և կիրակի օրերին:

2009/10 մրցաշրջանից սկսած Չեմպիոնների լիգայի եզրափակիչ խաղն անցկացվում է շաբաթ օրերին:

Ընթացիկ խաղարկության եզրափակիչը, որտեղ կմրցեն «Ռեալն» ու «Յուվենտուսը», տեղի կունենա հունիսի 3-ին Քարդիֆում:

tert.am