Պարոն Փաշինյանի կոչը ուտոպիա է և ինքնախաբեություն․ Գագիկ Համբարյան
Քաղաքագետ Գագիկ Համբարյանը ֆեյսբուքյան իր էջում գրել է.
«Փաշինյանի կոչը արտերկրում բնակվող հայերին և իրականությունը
Հայաստանի վարչապետ Նիկոլ Փաշինյանն իր ֆեյսբուքյան վերջին ուղիղ եթերի ժամանակ կոչ էր անում արտերկրում բնակվող մեր տասնյակ հազարավոր հայրենակիցներին, ովքեր ժամանակին ցանկություն էին հայտնել մասնակցելու, այսպես կոչված, «Թավշյա հեղափոխությանը» և չէին կարողացել գալ Հայաստան էժան տոմսեր գնել և ապրիլի սկզբին գալ Հայաստան ու «այո» ասել իր իսկ նախաձեռնած ՍԴ-ի վերաբերյալ Սահմանադրությունում փոփոխություններ անելու հանրաքվեում:
Համերգի ժամանակ ուղիղ եթեր մտած պարոն վարչապետը, նախ, բացահայտեց սեփական վախերը, որ Հայաստանում կարող է այնքան «այո» չհավաքել և ձախողվել, այդ իսկ պատճառով էլ դիմում է արտերկրում բնակվող մեր հայրենակիցների օգնությանը:
Պարոն Փաշինյանը պատահական չի դիմում արտերկրում բնակվող մեր հայրենակիցների օգնությանը: Նա շատ լավ գիտի, որ սփյուռքահայերի հետ միասին այս կատեգորիայի մարդիկ իր հիմնական մոլի երկրպագուներն են սոցցանցերում:
Սակայն պարոն Փաշինյանը մի բան է մոռանում: Արտերկրում բնակվող մեր հայրենակիցների մեծ մասը Հայաստանը սիրում են հեռավորության վրա և բացարձակ ցանկություն չունեն հետ վերադառնալ հայրենիք. նրանք Հայաստանը և հատկապես Փաշինյանին գերադասում են սիրել հեռվից: Ժամանակին այդ մարդկանց մեծ մասը լքելով Հայաստանը տարբեր խաբկանքների դիմելով (քաղհալածյալներ, համասեռամոլներ, Հայաստանից փախած ադրբեջանցիներ և այլ պատրվակներով) ապաստան են ստացել եվրոպական երկրներում, դասավորել են այնտեղ իրենց կյանքը և չնայած մեծ խանդավառությամբ ընդունեցին 2018 թ-ի իշխանափոխությունը Հայաստանում, բայց այդպես էլ այս երկու տարվա մեջ, գոնե իմ ծանոթներից որևէ մեկը, ով ապրում է արտերկրում, չվերադարձան Հայաստան, քանի որ շատ լավ գիտեն՝ Ֆրանսիայից, Գերմանիայից կամ այլ եվրոպական երկրից Հայաստան վերադառնալուց հետո 99,9 տոկոսով նրանց հետ վերադառնալը անհնարին է: Իմ ծանոթներից շատերը, ովքեր ժամանակին լքել են Հայաստանը այս տարիներին ձեռք են բերել այդ երկրների քաղաքացիություն և բնավ նպատակ չունեն ոչ միայն հետ վերադառնալ, այլև ներդրումներ անել Հայաստանում:
Ամեն դեպքում, պարոն Փաշինյանի կոչը՝ արտերկրում բնակվող հայերին գալ Հայաստան և «այո» ասել իր կազմակերպված հանրաքվեում ուտոպիա է և ինքնախաբեություն: Մեր այդ կատեգորիայի հայրենակիցների ստվար մեծամասնությունը հեռվից մեծ հաճույքով Փաշինյանին կաջակցի՝ սոցցանցերում վերջինիս ընդդիմախոսներին հղելով իրենց այլանդակ հայհոյանքները, անեծքները, տգետ մեկնաբանությունները: Բայց ոչ դրանից ավելին: Իրենք սիրում են Փարիզից, Բրյուսելից, Լիոնից, Մարսելից, Պրահայից, Համբուրգից, Մյունխենից, Ամստերդամից և այլ քաղաքներից Հայաստանում մնացած իրենց հայրենակիցներին խելք խրատ տալ, բայց երբեք չգալ իրենց նախկին բնակավայրեր՝ Գյումրի, Երևան, Վանաձոր, Կապան, Էջմիածին և այլ քաղաքներ և գյուղեր, որտեղից փախել կամ մեկնել են Եվրոպա:
Հ.Գ. Տեսնես Փաշինյանի հետ վերջինիս եվրոպական վոյաժների ժամանակ հանդիպած քանի՞ էքստազի մեջ հայտնված և Փաշինյանին օվացիաներով ողջունած քանի հայաստանցի է վերադառնալու վարչապետի կոչով Հայաստան»:
Ադրբեջանի և Թուրքիայի երազանքն իրականացել է. Հայաստանը Փաշինյանի նման վարչապետ ունի
Ջոնի Բրջոնին խժռեց Նիկոլ Փաշինյանին. Գագիկ Համբարյան
Փաշինյանի ընտրովի կոռեկտությունը. էջմիածնեցի կին vs արտադրամասի տեր
Կորոնավիրուսն այն «շունն» էր, որ ստիպեց Փաշինյանին մեկուսանալ Սևանում
«Անկապ քարոզարշավի արդյունքները. բուկլետներն աղբարկղում են…». Գագիկ Համբարյան
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Արսեն Զախարյանի տրանսֆերային արժեքն աճել է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...