Ցանկանում եմ բոլորիս աշխատանքային օրը սկսել մի շատ լավ լուրով. Ավինյան

Ցանկանում եմ բոլորիս աշխատանքային օրը սկսել մի շատ լավ լուրով: Այս մասին Facebook-ի իր էջում գրել է ՀՀ փոխվարչապետ Տիգրան Ավինյանը:

Նա, մասնավորապես, նշել է. «Սիրելի՛ հայրենակիցներ,

Ցանկանում եմ բոլորիս աշխատանքային օրը սկսել մի շատ լավ լուրով։ Քիչ առաջ ստացել ենք Վերակառուցման ու զարգացման եվրոպական բանկի (ՎԶԵԲ) Կառավարիչների խորհրդի որոշումը: Ուրախ եմ ձեզ տեղեկացնել, որ Երեւանն ընտրվել է ՎԶԵԲ 2021թ․ տարեկան ժողովի անցկացման վայր։

Տարեկան ժողովը Բանկի կարեւորագույն միջոցառումն է: Այսինքն՝ 2021թ․ գարնանը Հայաստանը լինելու է #ՎԶԵԲ 69 անդամ երկրների, ինչպես նաեւ այլ հյուրերի ուշադրության կենտրոնում։ Սա կարեւոր ձեռքբերում ու թե՛ քաղաքական թե՛ տնտեսական ոլորտներում Հայաստանի գրանցած առաջընթացին տրված արժանի գնահատական է։

Եվ հենց այս պահից սկսում ենք աշխատել միջոցառումը ամենաբարձր մակարդակով անցկացնելու համար»։