Պարոն Թովմասյանը հրաժարվել է շատերի պես «պաչել Փաշինյանի աջը». Գագիկ Համբարյան
Պարոն Փաշինյանի նյարդային անդրադարձը ՍԴ նախագահին ավելի շատ ինձ համոզեց նրանում, որ պարոն Թովմասյանը հրաժարվել է շատերի պես "պաչել Փաշինյանի աջը" և հիմա ՍԴ-ի շուրջ տեղի ունեցող իրադարձությունները պայմանավորված են հենց այդ հանգամանքի հետ: Այս մասին իր ֆեյսբուքյան էջում գրել է քաղաքագետ Գագիկ Համբարյանը:
«Կոռումպացված ռեժիմից ում հետ է մեծ հաճույքով համագործակցում Փաշինյանը
Հայաստանի վարչապետ Նիկոլ Փաշինյանն իր կապանյան ասուլիսի ժամանակ անդրադարձավ նաև Հայաստանի ՍԴ-ի շուրջ ստեղծված իրավիճակին և հատկապես իր ու ՍԴ նախագահ Հրայր Թովմասյանի միջև հարաբերություններին...
Պարոն Փաշինյանը բացահայտեց, որ իբր թե 2018 թ-ի մայիսից սկսած պարոն Թովմասյանն իր ծառայություններն է առաջարկել իրեն, որը նա մերժել է... "Կոռումպացված ռեժիմի ներկայացուցիչների հետ համագործակցելու ցանկություն ո՛չ ունեցել եմ, ո՛չ ունեմ, ո՛չ էլ կունենամ...",-խրոխտ հայտարարեց պարոն վարչապետը...
Ծիծաղելին ու զավեշտալին այն է, որ պարոն Փաշինյանի կարծիքով` "Աշխարհը չոփով է ծածկված " և Հայաստանի հասարակությունը բացարձակ անտեղյակ է, թե իր բնութագրմամբ նախորդ "կոռումպացված ռեժիմի " որքան ներկայացուցիչների հետ է նա մեծ հաճույքով համագործակցում և նախորդ ռեժիմի ներկայացուցիչներն ինչ գին են վճարում իրեն այդ ամենի համար...
Հետաքրքիր է, ի՞սկ պարոն Փաշինյանն ինչպես կբացատրի, օրինակ՝ ՀՀ Գլխավոր դատախազ Արթուր Դավթյանի հետ նրա սերտ համագործակցությունը...Կարո՞ղ է պարոն վարչապետը մոռացել է, թե ինչեր էր նա ասում պարոն Դավթյանի հասցեին և ինչ մեղադրանքներ էր ներկայացնում նրան ԱԺ ամբիոնից ու իր ընտանեկան թերթի էջերից... Չլինի պարոն Փաշինյանը մտածում է, որ հասարակությունը մոռացել է, թե ինչպես էր պարոն Դավթյանը ԱԺ բերել իրեն պատգամավորի անձեռնմխելիությունից զրկելու պահանջը... Ի՞նչ տեղի ունեցավ, որ նախորդ իշխանությունների շահերը սպասարկող Դավթյան Արթուրը հանկարծ դարձավ պարոն Փաշինյանի "սրտի" դատախազը... Պատասխանը բոլորին է հայտնի...
Հետաքրքիր է նաև, թե ինչպես կբացատրի պարոն Փաշինյանը նաև իր կառավարությունում Ֆելիքս Ցոլակյանի ներկայությունը՝ մի մարդու, ով հլու-հնազանդ ծառայել և շատ բարձր ու ազդեցիկ պաշտոններ է զբաղեցրել Քոչարյանի և Սարգսյանի իշխանությունների ժամանակ...
Կարող եմ տասնյակներով շարունակել այն բարձրաստիճան գործիչների ցուցակը, որոնք մեծ հաճույքով ծառայել են և՛ նախորդներին, և՛ հիմա՝ ներկաներին...
Պարոն Փաշինյանի նյարդային անդրադարձը ՍԴ նախագահին ավելի շատ ինձ համոզեց նրանում, որ պարոն Թովմասյանը հրաժարվել է շատերի պես "պաչել Փաշինյանի աջը" և հիմա ՍԴ-ի շուրջ տեղի ունեցող իրադարձությունները պայմանավորված են հենց այդ հանգամանքի հետ...»,- գրել է նա:
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Երթևեկության կազմակերպման փոփոխություն՝ Վարդանանց փողոցում
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Շարունակում ենք ստուգայցերը ՊՆ զորամասեր (տեսանյութ)
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Սպիտակ տունը գործարկել է Trump TV-ն
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Բարսելոնան մտադիր չէ բաժանվել իր սանից