ՄԱԿ-ի տվյալներով Հայաստանը 2019 թ. արտագաղթի ամենաբարձր ցուցանիշներն ունեցող 20 երկրների մեջ 18-րդն է. Սամվել Ֆարմանյան
Հասարակական–քաղաքական գործիչ ը ֆեյսբուքյան գրառում է արել, որում նշում է, որ Հայաստանի բնակչությունը գնալով շարունակում է նվազել։ Գրառման մեջ ասվում է.
«Ցավոք, ոչ միայն ՀՀ պաշտոնական վիճակագրությունը, այլ նաև ՄԱԿ-ի Միգրացիայի միջազգային կազմակերպությունը (IOM) փաստում են, որ Հայաստանի բնակչությունը գնալով շարունակում է նվազել: 2019 թ. ամփոփ տվյալներով, ըստ ՄԱԿ-ի «Միգրացիայի համաշխարհային զեկույց - 2020»-ի, Հայաստանի բնակչությունը բնակչություն/արտագաղթող մարդկանց թվաքանակ համամասնությամբ հայտնվել է աշխարհի ամենաբացասական ցուցանիշներն արձանագրած 20 երկրների շարքում` 18-րդ տեղում:
Ընդհանրապես, ցանկացած երկրի որևէ իշխանությանը պետք է ոչ թե սիրել կամ ատել, այլ պետք է գնահատել նրա արդյունավետությունը հետևյալ չորս առանցքային` ռացիոնալ չափանիշով:
1. Արտաքին անվտանգություն - որքանով է խաղաղությունն ավելի երաշխավորված և սահմաններն ավելի պաշտպանված:
2. Ներքին անվտանգություն - որքանով է քաղաքացին իրեն ավելի անվտանգ զգում, իսկ հանցագործությունները ավելի արդյունավետորեն կանխվում ու բացահայտվում:
3. Բարեկեցություն - որքանով է մարդն ավելի լավ ապրում (human development index):
4. Ժողովրդագրություն - ինչպիսին է տվյալ երկրի բնակչության թվի դինամիկան:
Իշխանությունը պիտի ոչ թե ամենօրյա ռեժիմով հասարակությանը մոլորեցնող կեղծ վիճակագրական տվյալներ հրապարակի ու արտերկրի երրորդական լրագրերում ներքին սպառման համար, մեծ փողեր ծախսելով, քարոզչական հոդվածներ պատվիրի, այլ օր ու գիշեր աշխատի, որպեսզի մարդը` Հայաստանի քաղաքացին, այս չորս ուղղություններով սեփական մաշկի վրա ռեալ փոփոխություններ զգա: Եթե մարդը սկսի ավելի լավ ապրել` ներքին ու արտաքին ավելի անվտանգ միջավայրում, իսկ երկրի բնակչության թիվն էլ աճի, ապա ոչ մի մոլորեցնող վիճակագրության կամ քարոզչական հոդվածների կարիքը չի լինի: Եթե դա չկա, մոլորեցնող վիճակագրությունն ու քարոզչությունը մնում են հասարակությանը թմրեցնելու զույգ դեղահաբերը:
Հ.Գ. Ինչպես 2018 թ., այնպես էլ 2019 թ. Հայաստանի բնակչությունը, ցավոք, նվազել է: Արտագաղթը չի դադարում: Ընդհակառակը, խորացման միտումներ ունի: Իսկ Նիկոլ Փաշինյանը խոստանում էր հայրենադարձությու՜ն, կախարդական փայտի՜կ ու էլի լիքը նման բաներ»:
Գրառմանը կից Սամվել Ֆարմանյանը նաև տեղադրել լուսանկար, որը ներկայացնում ենք ստորև։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Պետական արգելոցի ֆոտոթակարդները կրկին նկարահանել են կովկասյան ընձառյուծին