Տասնամյակի առաջին լուսնային խավարումը՝ ֆոտոշարով

Երեկ գիշերը տեղի է ունեցել տասնամյակի առաջին լուսնային խավարումը, որը հայտնի է նաև «Գայլային լուսին» անունով, գրում է Daily Mail-ը:

Լուսնի խավարումը, Երկրի՝ Արեգակի և Լուսնի միջև գտնվելու երևույթն է։ Արեգակից լուսավորվող Երկիրը հակառակ ուղղությամբ կոնաձև ստվեր է գցում՝ շրջապատված կիսաստվերով։ Այսպիսի դասավորության հետևանքով Լուսինն ընկնում է Երկրի ստվերի մեջ և տեղի է ունենում Լուսնի խավարում։

Որպեսզի խավարում առաջանա, Լուսինը պետք է լինի երկու ուղեծրերի հարթությունների հատման կետի մոտակայքում: Խավարումների առաջացման պարբերությունը և հաճախությունը, երբ Արեգակը ծածկվում է Լուսնի կողմից, կամ Լուսինը ծածկվում է Երկրի կողմից, նկարագրված է սարոսի ցիկլում:

Մեկ տարվա ընթացքում առավելագույն խավարումների թիվը 7 է՝ Արեգակի 5 և Լուսնի 2 խավարումներ։ Պատահում է նաև Արեգակի 4 և Լուսնի 3 խավարումներ, սակայն այդպես հազվադեպ է լինում։ Սովորաբար մեկ տարվա ընթացքում լինում է Արեգակի և Լուսնի երկուական խավարում։ Խավարումների ամենափոքր թիվը մեկ տարում երկուսն է։

2020 թվականի բոլոր չորս լուսնային խավարումները, որոնց տեղի կունենան հունիսին, հուլիսին և նոյեմբերին, կլինեն կիսախավարումներ և այնքան տեսանելի չեն լինի, որքան երեկ տեղի ունեցած խավարումը:

Հաջորդ ամբողջական լուսնային խավարումը տեղի կունենա 2021 թվականի մայիսից ոչ շուտ: