Վերջապես, մտածեք, որ ձեր սխալները կարող են ճակատագրական լինել ոչ միայն հակառակորդների, այլև հենց ձեզ համար

Պառակտման ու առճակատման տգեղ ու համատարած ձևախեղումներից զերծ չմնացին նաև իմ երիտասարդ գործընկերները՝ իրավաբանները, միմյանց մինչև «վերջին խազը» վիրավորելու մոլուցքը չմարեց անգամ Ծննդյան տոնին։ Գիտեմ, սթափվելու ոչ տրամադրություն ունեք, ոչ էլ, առավել ևս՝ հնարավորություն։ Ուղղակի կխնդրեի ուսանողական ընկերներիդ, որոնց հետ բարդ ճանապարհ եք անցել, մի շտապեք համարել իբր անցյալ, ներկա ու ապագա չունեցող։

Ախր ձեր բոլորի անցյալը գրեթե նույնն է եղել՝ առանց ընդվզումների։ Որ իշխանության մեջ եք, դա ձեր ճակատագիրն է, աշխատեք, մաղթում ենք ձեզ բազում հաջողություններ, սակայն հարգելիներս այդչափ հաճախ ու այդչափ աններելի մի սխալվեք, և շնորհակալություն հայտնեք, որ նկատել ենք տալիս ձեր սխալները՝ դա ոչ այնքան ձեր, որքան Երկրի շահերից է բխում։

Վերջապես, մտածեք, որ ձեր սխալները կարող են ճակատագրական լինել ոչ միայն հակառակորդների, այլև հենց ձեզ համար։ Տա Աստված, որ այս տարի բեկումնային լինի, մենք վեր կանգնենք մարդկային հարաբերությունների ներկայիս մշակույթից և նախապատվությունը, վերջապես, տանք քաղաքակիրթ, հայեցի պահվածքին...

Գեւորգ Դանիելյանի ֆեյսբուքյան էջից