Էլեկտրոնային ծխախոտն ամենեւին չի օգնում ծխելուց հրաժարվելուն. մասնագետ
Էլեկտրոնային ծխախոտն ամենեւին չի օգնում ծխելուց հրաժարվելուն. էլեկտրոնային գաջեթներին անցումը ընդամենը ծխախոտային մի տեսակի փոխարինում է մյուսով, պնդում են գիտնականները:
The Daily Mail-ը հայտնում է, որ Լոնդոնի Համալսարանական քոլեջի պրոֆեսոր, հոգեբույժ-խորհրդատու Ադամ Ուինսթոքը պնդում է, որ նիկոտինային կախվածության հաղթահարման համար վեյփին անցումը բավարար չէ: Մասնագետը վստահ է, որ էլեկտրոնային ծխախոտ ծխողները ճիշտ նույնպիսի աջակցության կարիք ունեն, ինչպես եւ ծխողները, որոնց Անգլիայի պետական հիվանդանոցներում մասնագիտական օգնություն են ցուցաբերում:
Փորձագետի կարծիքով՝ չնայած վեյփինգը կարծես առողջության համար պակաս վնասակար է, ծխողների համար կարեւոր է փորձել ամբողջությամբ հրաժարվել ծխելուց, այլ ոչ թե անցնել էլեկտրոնային ծխախոտի:
Նիկոտինափոխարինող թերապիայի մյուս ձեւերը հատուկ ստեղծվել են որպես ծխախոտից նիկոտինի ցանկացած աղբյուրից լիովին հրաժարվելու անցումային օղակ: Բայց էլեկտրոնային ծխախոտի դեպքում դա այդպես չէ, եւ ծխողներից շատերն անցնում են մշտական ռեժիմով դրա օգտագործման:
Ավելին՝ մարդիկ էլեկտրոնային ծխախոտից հաճախ ավելի շատ նիկոտին են ստանում, քան սովորական ծխախոտից: Դեռեւս գիտական հետազոտություններ չեն անցկացվել, որոնք հստակ ցույց կտային, թե որքան շատ նիկոտին է գործածում էլեկտրոնային ծխախոտի միջիվիճակագրական օգտագործողը: Բժիշկ Ուինսթոքը չի բացառում, որ որոշ մարդկանց դեպքում, որոնք տարվում են վեյփինգով, նիկոտինային կախվածությունը մի քանի անգամ ուժեղանում է, քան նվազում:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՀ տարածքում ավտոճանապարհները հիմնականում անցանելի են
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ