Ցանցառապետության կյանքից. դրվագ 23

Ցանցառապետությունում, որպես կանոն, հատուկ տեղ են գրավում տոնական օրերին անցկացվող միջացառումները: Որպես կանոն ծախսվում են անհարկի շատ փողեր եւ կազմակերպվում ցածրակարգ շոուներ:

Աղքատ երկիրը որոշել է 700 հազար դոլար ծախսել Երեւանում ամանորյա միջոցացառման համար, որոշել է 136 հազար դոլար վճարել Բրեգովիչին՝ Հանրապետուրթյան հրապարակում ելույթ ունենալու համար:

Եւ պատկերացնո՞ւմ եք, ցանցառապետությունում այս ամենն արվում է, որ աղքատները ուրախանան, տանը առանձնակի ծախսեր չանեն, գնան Հանրապետության հրապարակ, մի քանի բրդուջ գնեն եւ թռվռան, հետո վերադառնան իրենց աղքատության գիրկը՝ հիշողություններով, որ մի լավ բրդուջ են կերել եւ մի լավ թռչկոտել, որ չսառեն ցրտից: 

Կարեւորը ցանցառապետությունում կյանքը անցնում է ուրախ եւ լեցուն անհեթեթություններով: Կոպեկներ՝ ընդամենը 700 հազար դոլար եւ ճոխ միջոցառումներ, եւ ոչինչ, որ այդ 700 հազարը ծախսվում է հենց երեւանցիների հաշվին, որոնց ամենաբարձր մակարդակով առաջարկվում է երեխաների հետ բրդուջ ուտելով փողոցում դիմավորել նոր տարին:

Ոչինչ, որ 700 հազարի փոխարեն կարելի էր գոնե 100 հազար ծախսել, իսկ մնացած 600 հազարով նորոգել, հիմնովին նորոգել ինը հարկանի մոտ հարյուր շենք: Ցանցառապետությունում նման հարցերը ղեկավարությանը չեն հուզում: Ցանցառապետությունը պատրաստվում է բրդուջների վաճառքին:

Top-News.am 

Այս թեմայով Ցանցառապետության կյանքից. դրվագ 19 Ցանցառապետության կյանքից. դրվագ 16 Ցանցառապետության կյանքից․ դրվագ 14 Ցանցառապետության կյանքից. դրվագ 13 Ցանցառապետության կյանքից․ դրվագ 12