«Հիսուսի բարդո՞ւյթ». նման ձևակերպում առաջին անգամ եմ լսում. Տեր Եսային՝ վարչապետի արտահայտության մասին
«Հիսուսի բարդույթ» արտահայտություն, նման ձևակերպում առաջին անգամ եմ լսում, դա ի՞նչ է նշանակում: Այս մասին Tert.am-ի հետ զրույցում ասաց Արարատյան Հայրապետական թեմի Ս. Սարգիս եկեղեցու խորհրդակատար Տեր Եսայի քահանա Արթենյանը՝ անդրադառնալով ՀՀ վարչապետ Նիկոլ Փաշինյանի այսօրվա հայտարարությանը, թե ՀՀ-ում պետական պաշտոնյաները շատ արագ ձեռք են բերում բդեշխի բարդույթ, սակայն դա պետք է փոխարինվի Հիսուսի բարդույթով:
Դիտարկմանը՝ վարչապետը նկատի է ունեցել, որ պաշտոնյաները պետք է լինի Հիսուսի նման և՛ ծառա, և՛ տեր, Տեր Եսային ասաց. «Բայց դա բարդույթ չէ»:
Ինչ վերաբերում է քաղաքական ելույթներում Հիսուսի անունն օգտագործելուն, նա ասաց, որ եթե կոռեկտ է, եթե տեղին է՝ ինչո՞ւ չէ: «Հիսուսի ուսմունքը, Քրիստոնեությունը բոլորի համար է՝ և՛ պետական գործիչների, և՛ հասարակ մարդկանց: Մարդը միշտ էլ, եթե հավատում է Հիսուսին, կարող է նաև Քրիստոսի պատգամները մեջբերել, օգտագործել հավուր պատշաճի: Այնպես չէ, որ ավետարանը գաղտնի գիրք է և ինչ-որ մի խավի սեփականությունն է, այն բոլորինն է»,-ասաց նա:
Ինչ վերաբերում է Միլանում վարչապետի կողմից իրեն Հիսուսի հետ համեմատելուն, նա ասաց. «Որքան հիշում եմ՝ նա ասում էր՝ ես Հիսուսի պես սեր եմ քարոզում, հիմա եկեղեցին է այդ պատգամը քարոզում: Ուրիշ հարց է, թե ինչ է իր ասածի բովանդակությունը: Բոլորս ենք փորձում նմանվել Հիսուսին, այլ ոչ թե համեմատվել»:
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Լույսն ամենաթանկ նվերն է, որ կարող ես տալ մարդուն
Սպիտակ տունը գործարկել է Trump TV-ն
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Բարսելոնան մտադիր չէ բաժանվել իր սանից