Ոչ մի օր առանց ստի. Փաշինյանի նոր կեղծիքը. Արմեն Աշոտյան

Ոչ մի օր առանց ստի. Փաշինյանի նոր կեղծիքը. Այս վերնագրով Facebook-ի իր էջում գրառում է արել ՀՀԿ փոխնախագահ Արմեն Աշոտյանը:

Նա, մասնվորապես գրել է. «Նիկոլ Փաշինյանն այսօր անդրադարձել է Բրիտանական վերլուծական ինստիտուտի 2019 թվականի Legatum Prosperity Index-ին եւ գրել, որ «Հայաստանը զբաղեցրել է 61-րդ տեղը՝ նախորդ տարվա համեմատ բարելավելով իր դիրքը 27 կետով»:

Չգիտեմ, թե հերթական սուտը գրելիս ինչի՞ վրա իր հույսը դնում Նիկոլը, բայց տխրեցնեմ իրեն. նման զեկույցները բնօրինակով եւ ամբողջությամբ կարդացող մարդիկ դեռ կան Հայաստանում:

Եվ ուրեմն, իրականում մեր երկրի դիրքերը իրոք բարելավվել են, սակայն ոչ թե 27 կետով, ինչպես գրել է Փաշինյանը, այլ 7: Նախորդ տարվա նմանատիպ հետազոտության մեջ Հայաստանը գրավում էր 68-րդ տեղը:

Թողնում եմ մի կողմ իր գրառման այլ սխալները, օրինակ՝ «Վարկանիշի հեղինակները երկրները համեմատում են ինը չափանիշներով», իսկ իրականում վարկանիշը կազմվում է 12 չափանիշների հիման վրա:

Հ.Գ. Փորձեմ չբացառել նաեւ, որ նման ապատեղեկատվություն իրեն տրվել կառավարության աշխատակազմից: Այդ դեպքում պետք է պատժի ենթարկել խոտան տեղեկանքներ պատրաստող պաշտոնյաներին»: