Նիկոլը հիմա էլ ընտրակաշառքն է օրինականացնում

«Ելք» դաշինքի Երեւանի քաղաքապետի թեկնածու Նիկոլ Փաշինյանը օրերս հայտարարեց, որ 15 հազար դրամ կտրվի բոլոր նրանց, ովքեր ավագանու ընտրություններում Հանրապետականից ընտրակաշառք չեն վերցնի:

Սա ոչ այլ ինչ է, եթե ոչ ընտրակաշառքը օրինականացնելու առաջարկ: Ավելին, նման առաջարկն ինքնին ընտրակաշառք է: 

Երեւանի քաղաքապետի թեկնածու Զարուհի Փոստանջյանը մամուլի ասուլիսին պատասխանելով հարցին, թե արդյոք «Ելք»-ի առաջարկած մեխանիզմն ընտրակաշառքի դեմ պայքարում ընդունելիմ է նրա համար, նա պատասխանեց.

«Ընտրակաշառքի դեմ պայքարելու համար մեկ այլ ընտրակաշառք առաջարկելը դա ուղղակի քրեորեն հետապնդելի արարք է: Չեմ կարծում, որ դա ճիշտ է, չեմ կիսում այդ կարծիքը, նույնիսկ դատապարտում եմ, որովհետեւ մեր հանրային գումարները իրենց նպատակայնությամբ պետք է ծախսվեն եւ մենք պետք է երկարաժամկետ ծրագրեր իրականացնենք, որի ներքո մարդիկ կարիք չունենան ընդհանրապես այդ 15 հազար դրամի»:

Հիշեցնենք, որ ԸՕ-ում հստակ նշված է. «նախընտրական քարոզչության ժամանակ... թեկնածուներին, ընտրություններին մասնակցող կուսակցություններին արգելվում է անձամբ կամ նրանց անունից կամ որեւէ այլ եղանակով ընտրողներին անհատույց կամ արտոնյալ պայմաններով տալ (խոստանալ) դրամ...»:

Պատահական չէ, որ այսօր հանրության շրջանում իշխում է այն տեսակետը, որ ԱԺ-ի ընտրությունների արդյունքները լեգիտիմացնելուց հետո «Ելքը» առաջարկում է ընտրակաշառքը լեգիտիմացնել ու իրավական ուժ տալ:

Top-News.am

Այս թեմայով «Ելքի» մանկական խաղերն Ազգային ժողովում «Տեսակետների խաչմերուկ». «Ելքը» ընդունում է ընտրությունների արդյունքները եւ չի թաքցնում իր բուն նպատակը Քաղաքական դաշտի դերասանները