Հերթական խայտառակությունը դատախազության և Հ1-ի կատարմամբ
Միհրան Հակոբյանը ֆեյսբուքյան էջում գրում է.
«Հանրայինի լուրերի եթերում եղած այս ռեպորտաժը կացնային համառությամբ պատմում է, որ ինչ-որ դաշնակցական պետությունից ձեռք է բերել գույք, որը տարիներ շարունակ գնորդ չի ունեցել, լքված է եղել, և հիմա գնորդն այդտեղ ներդրումներ է արել և պատրաստվում է բժշկական ծառայություններ մատուցել, բայց պետությանը ֆինանսական վնաս է պատճառված: Ռեպորտաժի ողջ նպատակն այն է, որ ցույց տրվի, ավելին` հատուկ շեշտվի, թե ինչպես է ժամանակին հանրապետական պաշտոնյան` խախտելով օրենքը, լավություն արել դաշնակցականին: Մինչդեռ, հենց ռեպորտաժից է պարզ դառնում, որ փաստացի երկար տարիներ լքված և գնորդ չունեցող գույքը կիրառական նշանակություն ունենալու հնարավորություն է ստացել, և կարծես` բոլորը գոհ են, բացի ռեժիմի դատախազությունից, որ հերոսաբար հերթական խայտառակ գործն է կարել` մեղադրանք չառաջադրելով գոնե մեկ անձի, և ռեժիմի ագիտպրոմից` հանրային միջոցներով գործունեություն ծավալող Հ1-ից:
Նաև ի՞նչ է պարզվում. գույքը ձեռք բերած ինչ-որ դաշնակցականը Տարոն Տոնոյանն է` արցախյան գոյամարտի մասնակից, ռազմական բժիշկ, ով ահռելի քանակության վիրահատություններ է արել պատերազմի տարիներին, իսկ զինադադարից հետո ամեն տարի իր բժիշկ ընկերների հետ գնում է Արցախ և ազատամարտիկների ու նրանց ընտանիքների անդամների համար անվճար վիրահատություններ է կազմակերպում` տեղում, իսկ եթե հնարավոր չէ, արդեն Երևանում ու արտերկրում:
Այս ռեպորտաժը ռեժիմի քարոզչության ու բարոյականության մասին ունեցած պատկերացումների պարզ դրսևորումն է: Ի դեպ, այս աբսուրդ պատմության համատեքստում հարց է առաջանում. Վահե Ռաֆայելյանը գործ քննող դատախա՞զ է, թե՞ կինոյի դերասան, որ համազգեստը հագին մասնակցում է «տեսեք, տեսեք, թե հանրապետականներն ինչ կոռուպցիոն լավություններ են արել դաշնակցականներին» վերնագրով տափակ սիթքոմի նկարահանմանը: Դատախազ Ռաֆայելյանը ճիշտ կանի էս գլխից պատրաստվի, որովհետև դեռ հարցաքննվելու և պատասխաններ տալու ժամանակն է գալու: Ու դրանում թող որևէ մեկը որևէ կասկած չունենա: Իսկ մինչ այդ, պարզ հարց դատախազ Ռաֆայելյանին. իսկ կարո՞ղ է հավես ունենաք ու գնաք մի հատ էլ Ձեր շեֆի` գլխավոր դատախազի գույքը նկարեք ու մի գործ էլ դրա մասով հարուցեք, ժողովուրդն էլ հասկանա, թե ինչն ինչոց է, ինչն ինչից հետո է»։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ամբերդ ամրոց և Քարի լիճ տանող ավտոճանապարհները փակ են
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի