Ապացույց հավաքելու իրավասությունը փոխանցելով «հպարտ» քաղաքացուն, պետք է այդ «հպարտի» համար սահմանեն նաեւ ապացույց կեղծելու համար քրեական պատասխանատվություն

Փաստաբան Երվանդ Վարոսյանն անդրադարձել է «Քաղաքացին նաև տեսախցիկ է» օրինագծին` նշելով, որ քաղաքացուն կամայականությունից պաշտպանելու համար պետք է զսպաշապիկ նախատեսել ապացույց փոխանցած հպարտ քաղաքացու համար:

««Քաղաքացին նաև տեսախցիկ է» օրենքի հեղինակները հասկանում ե՞ն, որ պետական լիազոր մարմնի` ապացույց հավաքելու իրավասությունը փոխանցելով «հպարտ» քաղաքացուն, պետք է այդ «հպարտի» համար սահմանեն ապացույց կեղծելու, ապացույց ձեռք բերելիս «պաշտոնեական» դիրքը չարաշահելու, «պաշտոնեական» լիազորությունները անցնելու համար քրեական պատասխանատվություն։

Ապացույց հավաքողի համար նախատեսված այս ու այլ «զսպաշապիկները» ապահովում են այդ ապացույցներով պատասխանատվության ենթարկվելիք մյուս քաղաքացու` կամայականություններից պաշտպանված լինելու հնարավորությունը», - ֆեյսբուքում գրել է Ե.Վարոսյանը։