Բանտեր, որոնք ավելի շատ նման են հանգստյան տների կամ ինչու են հայերը Եվրոպայում ձգտում բանտ ընկնել

Կարծիք կա, որ հասարակության զարգացվածության մասին կարելի է դատել նրանից, թե ինչպես է տվյալ հասարակությունը վերաբերում հանցագործներին: Պնդումը բավականին տարօրինակ է, սակայն, այնուամենայնիվ, տրամաբանություն ունի: 

1. Գելզենկիրխեն, Գերմանիա

Այս բանտը այսօր Եվրոպայի առաջատարներից մեկն է: Կալանավայրը բացվել է 1998 թվականին: Հաստատությունը փակ տիպի է եւ ունի ինչպես արական, այնպես էլ իգական բլոկներ: Դատարանում կա դպրոց, եկեղեցի, գրադարան: Տղամարդիկ զբաղված են բարդ եւ կեղտոտ աշխատանքով, իսկ կանայք՝ հիմնականում այգեգործության եւ գրասենյակային աշխատանքների ոլորտում: Ի դեպ, Գելզենկիրխենում կին  բանտարկյալներին թույլատրվում է զբոսնել բանտից դուրս:

2. Վեստրե Վանգսել - Կոպենհագեն, Դանիա

Երկրի ամենահին բանտերից մեկn է: Այն բացվել է 1895 թվականին: Սա փակ հաստատություն է: Այն նախատեսված է տղամարդկանց համար: Այստեղ են հայտնվում նրանք, ովքեր դատապարտվել են մինչեւ 5 տարվա ազատազրկման: Համալիրն ունի մարզասրահ, գրադարան, բժշկական կենտրոն եւ մի քանի մանրածախ առեւտրային կետեր, որտեղ վաճառվում է ամեն ինչ, բացի ալկոհոլից: Բանտում թույլատրվում են լրացուցիչ եկամուտներ, ինչպես նաեւ կրթություն: Բանտապանների գրեթե մեկ երրորդը կանայք են: Համազգեստ կրում են միայն հսկիչները:

3. Հալդեն, Նորվեգիա

Նորվեգիայի խոշորագույն բանտը բացվել է 2010 թվականին: Այս բանտը զգալիորեն գերազանցում է «սկանդինավյան բանտերի» մասին ամենատարածված կարծրատիպերը: Այստեղ ոչ միայն անբարեխիղճ բանկիրներ եւ փաստաբաններ են կրում իրենց պատիժը, այլեւ մարդասպաններ եւ բռնաբարողներ: Դատապարտյալներին առաջարկվում են հարմարավետ կահույքով հագեցած սենյակներ, ինչպես նաեւ այն համարվում է ամենաազդեցիկ բանտային կրթական կենտրոններից մեկը: Այն փաստը, որ այս վայրը բանտ է, հիշեցնում են միայն 6 մետրանոց բետոնե բլոկները հաստատության շուրջ:

4. Լեոբեն, Ավստրիա

Նվազագույն խստության բանտ է: Այն նախատեսված է եւ կանաց, եւ տղամարդկանց եւ դեռահասների համար: Արտաքինից այս շենքն ավելի շատ նման է հարմարավետ գրասենյակի, քան բանտի: Հաստատության պատուհաններն այնպես են տեղադրված, որ ներսում առավելագույնս լուսավոր լինի: Հաստատությունն ունի խոհանոց, գրադարան, մարզասրահ եւ նույնիսկ ավտոկայանատեղի: Ժամանակ առ ժամանակ տեղացի երաժիշտները համերգներ են տալիս այստեղ: Այնուամենայնիվ, այստեղ իրենց պատիժն են կրում միայն նրանք, ում պատժաչափը չի գերազանցում 18 ամիսը:

Հետաքրքիր փաստ. Ավստրիայում շինարարությունից անմիջապես հետո մեծ աղմուկ բարձրացավ: Շատ քաղաքացիներ դժգոհ էին նրանից, որ օրենքի նույնիսկ ամենաանմեղ խախտողները պատիժ են կրում շատ ավելի լավ պայմաններում, քան իրեն կարող է թույլ տա սովորական ավստրիացիների մեծ մասը:

5. Ամերիկայի դաշնային բանտ-Հյուսիսային Կարոլինա, ԱՄՆ

Ամերիկայի Միացյալ Նահանգների քրեակատարողական համակարգը շատ ռեպրեսիվ է համարվում: Խստության կանոնների եւ դասակարգային բաժանման բացառություն է հանդիսանում Բատներ բանտը, որին կատակով անվանում են  «Դաշնային բանտերի արքայական մարգարիտ»: Արտաքինից այս հաստատությունը հեշտությամբ կարելի է շփոթել ուսումնական հաստատության հետ:  Բանտը նվազագույն խստություն ունի: Այստեղ իրենց պատիժն են կրում միայն տղամարդիկ: Ովքե՞ր  են ընկնում այստեղ: Հիմնականում մեծ ընկերությունների ֆինանսիստները, ինչպես նաեւ Ուոլ Սթրիթի ներկայացուցիչները:

6. Բաստոյ -  Նորվեգիա

Նվազագույն խստության բանտ է, որն ունի միայն մոտ 100 բանտարկյալ (միայն տղամարդիկ): Հաստատությունն առաջին «էկոլոգիապես մաքուր բանտն» է: Այն Օսլոյի մոտ գտնվող կղզում է: Բոլոր բանտարկյալներայստեղ զբաղված են նրանով, ինչը  տեղացիներն անվանում են  «էկո-ակտիվություն»: Բաստոյում ամբողջ էլեկտրաէներգիան արտադրվում է հողմատուրբիններով եւ արեւային վահանակներով: 20 բանտարկյալի համար կա միայն 1 պահակ: Իհարկե, բանտը նախատեսված է միայն մանր հանցագործների համար:

7. Վիրու - Յոհան, Էստոնիա

Բանտը փակ տիպի է՝ նախատեսված տղամարդկանց եւ դեռահասների համար, `նվազագույն խստությամբ: Այստեղ կան եւ փակ, եւ բաց մասնաշենքեր: Կառույցներից մեկը ոչ ճամբարային տիպի է՝ իր մեջ ներառում է եւ բանտ, եւ կալանավայր: Հաստատության տարածքում կա դպրոց, մարզասրահ, եկեղեցի, արհեստանոցներ: Խցիկներում կա կաբելային հեռուստատեսություն: Բոլոր խցերը երկտեղանի են: Սանհանգույցը հագեցած է հոտի չեզոքացուցիչով:

8. Հորսերոդի պետական ​​բանտը - Հյուսիսային Զելանդիա, Դանիա

Բաց տիպի բանտ է՝ նախատեսված կանանց եւ տղամարդկանց համար: Այստեղ են բերում միայն նրանց, ում պատիժը չի գերազանցում 5 տարին: Հաստատությունը ներսից հիշեցնում է մեծերի համար նախտեսված պիոներական ճամբար: Հսկիչների եւ բանտարկյալների միջեւ ներանձնային հարաբերությունները հիմնված են հիմնականում ազնիվ խոսքի վրա: Բանտարկյալների շրջանում մեծ մասսայականություն են վայելում հիմնականում  զայրույթների կառավարման դասընթացները եւ արհեստանոցներում աշխատանքը:

Top-News.am