Մոուրինյո. Ոչ մեկի հանգիստ չէինք տրամադրել, այլ ընտրել էինք «Չելսիի» դեմ ամենահամապատասխան կազմը
«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն մեկնաբանել է հաղթանակը Լոնդոնի «Չելսիի» նկատմամբ Անգլիայի առաջնության 33-րդ տուրում: Հիշեցնենք, որ «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանն այդ խաղում մնաց պահեստայինների նստարանին:
«Մենք ոչ մեկի հանգիստ չէինք տրամադրել, այլ ընտրել էինք «Չելսիի» դեմ խաղի համար ամենահամապատասխան կազմը: Կիրառեցինք նույն մարտավարությունը, որը «Չելսիի» դեմ ունեցել էին Անգլիայի Գավաթի խաղում: Այն ժամանակ 11 ֆուտբոլիստներով մենք լիովին վերահսկում էինք խաղը, եւ միայն Էրերայի հեռացումը շանս տվեց «Չելսիին» առավելություն ստանալ: Ես բացարձակ վստահ եմ, որ մենք կլինեինք Անգլիայի Գավաթի կիսաեզրափակիչում, եթե թիմերը մնային հավասար կազմերով:
Մենք գիտեինք, որ եթե այս անգամ խաղանք նույն ոճով, ապա մրցակցի համար շատ բարդ կլինի: Ես շատ գոհ եմ մեր թիմի խաղից եւ արդյունքից: «Մանչեսթեր Սիթիի» եւ «Լիվերպուլի» հաղթանակները մեզ թույլ չէին տալիս նույնիսկ ոչ ոքիի մասին մտածել»,- Մոուրինյոյի խոսքը մեջբերում է BBC-ն:
«Մանչեսթեր Յունայթեդը» 31 խաղից հետո 60 միավորով 5-րդ տեղում է եւ 32 հանդիպում անցկացրած «Մանչեսթեր Սիթիին» զիջում է 4 միավոր:
Z համաշխարհային պատերազմը վերադառնում է
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
ԱՄՆ-ը աշխատում է Բելառուսից կալիումական պարարտանյութերի ձեռքբերման խոշոր գործարքի ուղղությամբ
Սպիտակ տունը գործարկել է Trump TV-ն