ԵԱՀԿ-ն կողմ է Արցախում խաղաղ ու ամուր կարգավորմանը
Չնայած արցախյան հակամարտության գոտում իրադրության սրվելուն ու ընդհանուր առմամբ բանակցությունների սահմանափակ առաջընթացին՝ ԵԱՀԿ-ն շարունակում է ձգտել հակամարտության խաղաղ ու երկարաժամկետ կարգավորման։ Այս մասին ասվում է ԵԱՀԿ զեկույցում, որն ամփոփել է 2016-ին կազմակերպության գործունեությունը։
Զեկույցում նշվում է, որ 2016-ի գարնանը ղարաբաղյան հակամարտությունում բռնության վերսկսումը ավելի ակտիվ հակաճգնաժամային կառավարման անհրաժեշտություն է պահանջել։ Գերմանիայի նախագահությունը զգալի ջանքեր է գործադրել այդ եւ մյուս հակամարտությունների կարգավորման հարցում։
«Ինչ վերաբերում է ԼՂ հակամարտությանը՝ նախագահությունը արագ արձագանքեց՝ 2016-ի ապրիլին շփման գծում մարտական գործողությունների սրացումից հետո, նախաձեռնելով Մշտական խորհրդի հատուկ նիստ եւ կողմ հանդես գալով Վիեննայում ու Սանկտ Պետերբուրգում նախագահական մակարդակով ձեռք բերված համաձայնագրերի իրականացմանը, որոնք վերաբերում են գործող նախագահի անձնական ներկայացուցիչ, դեսպան Անջեյ Կասպրշիկի գրասենյակի ընդլանյմանը եւ հետաքննության մեխանիզմների ստեղծմանը։ Նախագահությունը կոչ է արել վերսկսել քաղաքական բանակցային գործընթացը՝ հակամարտության կարգավորման համար։ Նախագահը նաեւ հատուկ նիստ է գումարել՝ արցախյան հակամարտության գոտում բռնության սրացման վերաբերյալ»,-ասվում է զեկույցում։
ԵԱՀԿ-ն մատնանշում է, որ կողմերի աջակցությամբ Անջեյ Կասպրշիկն ու նրա թիմը 22 մոնիթորինգային գործողություններ են իրականացրել, հինգը՝ հայ-ադրբեջանական սահմանին եւ 17-ը՝ շփման գծում։
Համաձայն զեկույցի՝ ԵԱՀԿ-ում Հայաստանի ներդրումը 45 408 եվրո է կազմել։
Լուրեր Հայաստանից - NEWS.am
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ