Խեղճ Մուկուչյան, էդ մարդն ինչքան կարող էր հրապարակավ միլիոնավոր մարդկանց դիմաց նստած թվերը «խփեր»

Ասում են՝ ՀՀԿ-ում հետընտրական «ռազբորկաներ» են սկսվել, ընտրակաշառքներն իրենց նպատակին ճիշտ չեն ծառայել: Եվ քանի որ ամեն ընտրատեղամասում ընտրակաշառք բաժանող և նման հարցերով զբաղվող ու դրա դիմաց նաև մի քանի ամսի աշխատավարձ ստացող անձինք իրենց գործը լավ չեն արել ու փաստացի «քաշել» են ՀՀԿ-ին, հիմա պետք է պատասխան տան՝ ինչո՞ւ ընտակաշառք վերձրածների թիվը չի համապատասխանում իրենց ընտրակաշառք բաժանած թվերի հետ:

Ախր, նախապես պլանավորած էր` հուսալի մարդկանց փող են տալիս, որպեսզի իրենց ընտրեն, ու այդ ընտրողների թվերը բազմապատկած ներկայացվեր. ախր այդքան «լցնել» ու նկարել կլիներ, որ արեցին: Խեղճ Մուկուչյան, էդ մարդն ինչքան կարող էր հրապարակավ միլիոնավոր մարդկանց դիմաց նստած թվերը «խփեր»:
Փաստորեն, ՀՀԿ-ին անգամ ընտրակաշառները չեն օգնում, նրանք այնքան են սպառել իրենց, որ մարդիկ փող են վերձրել, բայց խոստացած «պտիչկան» չեն դրել: Ես համոզված էի, որ ընտակաշառք վերձրածներից շատ քիչ տոկոսն է ընտրել Հանրապետական կուսակցությանը, և հանրապետականի ներքին այս գզվրտոցը և կոլապսի մեջ հայտնված այս իրավիճակն ասածիս վառ ապացույցն է: Հանրապետականի ուժը միայն Մուկուչյանն ու վարչական ռեսուրսներն են, Հանրապետականների դեպքում փողով ձայն գնելն էլ արդեն չի անցնում:
Գուրգեն Ամիրխանյանի ՖԲ էջից