Գոռ Մինասյանը 2-րդն է Եվրոպայում, իսկ Ռուբեն Ալեքսանյանը՝ երրորդը

Ծանրամարտի Հայաստանի տղամարդկանց հավաքականը եւս երկու մեդալ նվաճեց Խորվատիայում անցկացվող Եվորպայի առաջնությունում:

Երեկ մրցաշարն ավարտած գերծանր քաշային ծանրորդների պայքարով: Օլիմպիական խաղերի փոխչեմպիոն Գոռ Մինասյանը երկամարտի 446 կգ արդյունքով զբաղեցրեց 2-րդ տեղը եւ արժանացավ արծաթե մեդալի: Մեր մյուս մարզիկը՝ Ռուբեն Ալեքսանյանը, չնայած 12 կգ քիչ բարձրացրեց, սակայն առաջնությունն ավարտեց 3-րդ հորիզոնականում: Եվրոպայի չեմպիոնի կոչումը նվաճեց վրացի ծանրորդ Լաշա Տալախաձեն, որն այսօր պարզապես մրցակցությունից դուրս էր՝ 467 կգ:

Այդպիսով, Հայաստանի ծանրորդները Երեւան են վերադառնում երեք մեդալով՝ մեկական ոսկի, արծաթ եւ բրոնզ: