Մի օր այս մղձավանջն ավարտվելու է, իսկ ԿԸՀ-ին հարցեր են տալու

Այսօր տեղի ունեցավ ԿԸՀ հերթական նիստը: Քննարկվեց նաեւ ՕՐՕ դաշինքի դիմումը, որով պահանջ է ներկայացվում հատուկ սարքերով ձեռք բերված մատնահետքերը հավաքել միեւնույն բազայում՝ նույն անձի կողմից կրկնակի եւ բազմակի քվեարկությունները բացահայտելու համար:

ՕՐՕ դաշինքում կարծում են, որ ընտրությունների մասնակիցների մեծ թիվը՝ մոտ 1.6 միլիոն, լուրջ կասկած է առաջացնում, որ տեղի է ունեցել կրկնակի եւ բազմակի քվեարկություններ՝ շրջիկ խմբերի մասնակցությամբ:

Ընդգծենք, որ մատնահետքերը մի բազայում միավորելը բարդ գործ չէ: Ավելին, մատնահետքերի նույնականացումը երկար ժամանակ չի պահանջում: Իսկ ահա ԿԸՀ նախագահ Տիգրան Մուկուչյանը ՕՐՕ-ի ներկայացուցիչ Անդրանիկ Գրիգորյանին շարունակ հարցեր էր տալիս, թե ինչու չեն բավարարվում հրապարակված ցուցակներով կամ տեսանյութերով, եւ որ ամենակարեւորն է, հայտարարեց, թե մատնահետքերի նույնականացման գործընթացը տարիների աշխատանք է:

Նրա այս պնդումը առաջացրեց դահլիճում գտնվողների զարմանքն ու զայրույթը: Տիգրան Մուկուչյանն ընդամենը դահլիճից դուրս հրավիրեց դաշինքի ներկայացուցիչներից մեկին՝ Գեղամ Նազարյանին, որն ընդամենը ասաց, որ մատնահետքերի նույնականացումը համակարգչի միջոցով բարդ գործ չէ:

Իհարկե, ԿԸՀ-ն մերժեց ՕՐՕ-ի պահանջը: Դժվար էր այս ԿԸՀ-ից այլ որոշում ակնկալել: Մասնագետները պնդում են, որ մատնահետքերը դեռ ընտրության օրը ընդհանուր ցանցի օգնությամբ հնարավորել միավորել մի բազայում, իսկ ահա Մուկուչյանը պնդեց, թե ընտրության օրն ընդհանուր ցանց գոյություն չի ունեցել:

Մղձավանջըշարունակվում է: դեռ որոշժամանակ կշարունակվի, բայց այն հավերժ չի կարող շարունակվել: Իսկ երբ մղձավանջին վերջ տրվի,շատերը, այդ թվում ԿԸՀ այսօրվա անդամները եւ հատկապես Տիգրան Մուկուչյանը ստիպված են լինելու բազմաթիվ հարցերի պատասխանել:

Ի դեպ, այսօրվա հարցերից մեկի քննարկման ժամանակ Տիգրան Մուկուչյանն արդարացրեց հանձնաժողովներից մեկի նախագահին, որը դիտորդի աչքի առաջ փաստաթղթեր էր հանձնել ռազմական ոստիկանության ներկայացուցչին:

Հիշեցնենք, որ օրեր առաջ էլ նույն ԿԸՀ-ն արադարացրեց այն տնօրեններին, որոնք ՀՀԿ-ի համար ձայներ էին հավաքում:

Վարդան Մխիթարյան 

Այս թեմայով Տիգրան Մուկուչյանը հանդիպել է Արարատ Միրզոյանի հետ. ի՞նչ են նրանք քննարկել (տեսանյութ) ՕՐՕ դաշինքը՝ սաստկացած ապօրինությունների մասին Վարչական դատարանը մերժեց «Օհանյան-Րաֆֆի-Օսկանյան» դաշինքի հայցադիմումը ՕՐՕ-ի հայցով վճիռը կհրապարակվի ապրիլի 14-ին (Տեսանյութ) ՕՐՕ դաշինքը պատրաստ է օգնել ՀԱԿ-ին՝ ՍԴ դիմելու հարցում