Ֆրանսիան ասում է՝ պետք է չեզոքություն դրսևորի․ Լիոնի փոխքաղաքապետը՝ Ֆրանսիայի քաղաքներում Արցախի ճանաչման գործընթացի մասին
Չեմ կարծում, որ որևէ մեկը կասկած ունի, թե ես որքան եմ ուզում, որ Արցախի ճանաչման գործընթացը Ֆրանսիայում ակտիվանա: Tert.am-ի հետ զրույցում այս մասին ասաց Լիոնի քաղաքապետի առաջին տեղակալ, հայազգի Ժորժ Կեփենեկյանը՝ խոսելով Ֆրանսիայում գործընթացի ակտիվացման և Լիոնի կողմից հնարավոր ճանաչման մասին:
«Այսօր ես Ֆրանսիայի կողմից ընտրված մարդ եմ, պատասխանատու Ֆրանսիայի պատկան մարմինների առջև: Իսկ Ֆրանսիան ասում է, որ ինքը ԵԱՀԿ Մինսկի խումբը համանախագահող երկիր է, պետք է չեզոքություն դրսևորի»,- ասաց նա՝ նշելով, որ ինքն էլ պետք է հաշվի առնի իր երկրի իշխանությունների պահանջն ու դիրքորոշումը:
Դիտարկմանը, թե ԱՄՆ-ում, որը ևս ԵԱՀԿ Մինսկի խմբի համանախագահ երկիր է, նահանգներ են ճանաչում Արցախը, Ժորժ Կեփենեկյանն արձագանքեց նկատառմամբ, որ պետք է հաշվի առնել, որ Ֆրանսիան ԵԱՀԿ Մինսկի խմբում միայն իրեն չի ներկայացնում, այլ ամբողջ Եվրամիությանը՝ տարբեր դիրքորոշումներ ունեցող 28 երկրներով:
«Ֆրանսիան փորձում է նաև ԱՄՆ-ի և Ռուսաստանի միջև կշեռքի դեռ խաղալ կարգավորման գործընթացում: Չի ասվում, որ Ղարաբաղ բառն արգելված է գործածել, պարզապես չի ցանկանում ԵՄ անդամ երկրներին նեղացնել: Հարցը շատ փափուկ է, և դրա կողքին կան նաև Ղրիմի, Օսեթիայի, Աբխազիայի և այլ հիմնախնդիրները»,- ասաց նա:
Ժորժ Կեփենեկյանի խոսքով՝ այդքանը հաշվի առնելով՝ ինքն էլ՝ որպես Ֆրանսիայի պաշտոնյա, կաշկանդված է Արցախի ճանաչման գործընթացն առաջ տանելու հարցում:
Խոսելով ֆրանսահայ համայնքի համար եղած առաջնահերթությունների մասին՝ Ժորժ Կեփենեկյանը նշեց, որ, իհարկե, Հայոց ցեղասպանության և Արցախի ճանաչումները կարևոր են նրանց համար, բայց պակաս կարևոր չէ նաև հենց Հայաստանի զարգացումը:
«Երբ ասվում է, որ պետք է զորավոր Սփյուռք, որպեսզի զորավոր Հայաստան ունենանք, ես պատասխանում եմ, որ պետք է զորավոր Հայաստան, որ Սփյուռքն էլ զորավոր լինի: Սփյուռքի մոբիլիզացիան պետք է փոխվի: Պետք է միայն Ցեղասպանության ճանաչման կամ Ղարաբաղի մասին չխոսենք: Չեմ ասում ընդհանրապես չխոսենք, պարզապես միայն դրանց մասին չխոսենք: Լիոնում, օրինակ, իշխանություններին հետաքրքիր է առավել շատ, թե Հայաստանի հետ ինչպես աշխատեն, ինչ համագործակցություն ստեղծեն»,- ասաց նա:
Նա անգամ նշեց, որ մեզ հակառակորդ երկրներից շատերը Ֆրանսիա են գալիս, համագործակցություն ստեղծելու նպատակով, քանի որ զգում են, որ Ֆրանսիան աջակից է Հայաստանին: «Նրանք բոլոր դռներով և պատուհաններով ներս են մտնում, մենք պետք է դրա դեմն առնենք՝ իհարկե ոչ թե ուղիղ ճանապարհով, այլ առավել շատ «փափուկ մեթոդներով», դիվանագիտական եղանակներով»,- ասաց նա:
Անդրադառնալով նոր իշխանությունների ցանկությանը՝ լուծարել Սփյուռքի նախարարությունն ու Սփյուռքի հարցերով հանձնակատար ունենալ, Ժորժ Կեփենեկյանը պատասխանեց, որ այդ գաղափարն իրեն դուր է գալիս․ «Սա նոր մոտեցում է: Վարչապետի հետ այդ մասին ուղիղ խոսել ենք: Պետք է նախկին մոտեցումները փոխվեն, և ես համոզված եմ, որ ինքն էլ փնտրում է ճանապարհներ, թե ինչպես Սփյուռքի հետ հարաբերվի: Համոզված եմ, որ ճիշտ մոտեցումը դա է»:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...