Մոուրինյուն Շվայնշտայգերին ասել է, որ նրա հանդեպ անարդարացի է եղել

«Մանչեսթեր Յունայթեդի» գլխավոր մարզիչ Ժոզե Մոուրինյուն խոստովանել է, որ անարդար է գտնվել կիսապաշտպան Բաստիան Շվայնշտայգերի հանդեպ, որը տեղափոխվել է «Չիկագո Ֆայր»:

2016/17 մրցաշրջանի ընթացքում պորտուգալացին 32-ամյա ֆուտբոլիստին նույնիսկ երկրորդ թիմ էր ուղարկել.

«Շվայնշտայգերն այն ֆուտբոլիստներից մեկն է, որոնցից ես պետք է ներողություն խնդրեմ այն բանի համար, թե ինչպես եմ վերաբերվել նրան սկզբնական փուլում: Վերջինը, ինչ ասել եմ նրան սա է եղել. «Ես քո հանդեպ անարդարացի եմ եղել»:

Երբ Շվայնշտայգերը խնդրեց բաց թողնել իրեն, պետք էր ասել «այո»: Նա գիտի այդ մասին: Ես կկարոտեմ, Բաստիանը լավ տղա է, լավ ազդեցություն է ունենում մարզումների ժամանակ, բայց ես ստիպված էի նրան բաց թողնել:

Ինչ կանեի ես, եթե կարողանա՞յի. Ես նրան թույլ կտայի լինել թիմում: Այդ ժամանակ մենք չափազանց շատ ֆուտբոլիստներ ունեինք կազմում: Շատերը կասկածելի իրավիճակում էին: Մեզ հետ էին Շնեյդերլենը, Դեպայը, ահռելի թիմ էր:

Չեմ ափսոսում: Ինձ համար խնդիր չէ ընդունել, երբ ես սխալ եմ: Ես նրան ասել եմ այդ մասին»,- Մոուրինյուի խոսքերն է փոխանցում «BBC»-ն:

tert.am