Իսրայելում հաշվել են խորհրդարանական ընտրությունների ձայների 97%-ը. Նեթանյաhուն կշարունակի վարչապետ մնալ

Իսրայելի վարչապետ Բենյամին Նեթանյահուն հաղթել է ապրիլի 9-ին կայացած խորհրդարանական ընտրություններում և կկարողանա իշխող կոալիցիա ձևավորել, հայտնում է The Jerusalem Post-ը՝ մանրամասնելով, որ ներկայում հաշվվել է քվեաթերթիկների 97%-ը:

Ըստ նախնական արդյունքների՝ Նեթանյահուի «Լիկուդ» կուսակցությունը 35 տեղ է ստացել խորհրդարանում:

«Շնորհակալ եմ Իսրայելի քաղաքացիներին իրենց վստահության համար: Այս պահից սկսած աջակողմյան ուժերի կառավարություն կձևավորեմ մեր գործընկերների հետ»,-կեսգիշերին հայտարարել է Նեթանյահուն:

Մի քանի կուսակցություն արդեն հայտնել է Նեթանյահուին միանալու որոշման մասին:

Վարչապետի պաշտոնի մեկ այլ հավակնորդ Բենի Գանցի «Կապույտ և սպիտակ» կուսակցությունը երկրորդ տեղում է և խորհրդարանում կունենա 35 տեղ: Հատկանշական է, որ նախքան Նեթանյահուի հայտարարությունը Գանցն ասել էր, որ հաղթել է իր կուսակցությունը:

«Այս ընտրություններն ունի հստակ հաղթող և պարտվող: Նեթանյահուն 40 տեղ էր խոստացել ու պարտվեց: Նախագահը կարող է տեսնել ստեղծված պատկերն ու պետք է հաղթողին ասի կառավարություն ձևավորել: Այլընտրանք չկա»,-ասել էր Գանցը:

Հայտնի է, որ ըստ նախնական արդյունքների՝ Իսրայելի խորհրդարան կանցնի ԼԳԲՏ համայնքի 5 ներկայացուցիչ:

Պարբերականը նկատում է, որ հաղթանակը շատ կարևոր էր Նեթանյահուհի համար, որին գլխավոր դատախազ Ավիչայ Մանդելբլիթը փետրվարին հարցաքննել էր կաշառք ստանալու գործի շրջանակում: Այժմ հաղթանակը վարչապետին հնարավորություն կտա նոր ուժով դիմակայելու մեղադրանքին:

Այս թեմայով Միացյալ Նահանգները և Իսրայելը անցել են Իրանի դեմ իրենց պատերազմի կեսը. Նեթանյահու Հրդեհ Իսրայելի արդյունաբերական գոտում. իրավիճակը վերահսկողության տակ է Իսրայելի հանցագործությունների մասին ՄԱԿ-ի դատարանում զգալի ապացույցներ են ներկայացվել. Թուրքիայի ԱԺ նախագահ Իսրայելի նախագահն առցանց ռեժիմով հեքիաթներ է կարդում երեխաների համար Քաթարն իսրայելա-պաղեստինյան հակամարտության սրման ֆոնին պաղեստինցիներին 480 մլն դոլար կհատկացնի