Ժողովուրդը գիտի, թե ինչ պետք է անի խաբեբաների հետ

Կար ժամանակ, երբ սոցիոլոգիական հարցումներով մարդկանց խաբում էր կառավարող կուսակցությունը՝ ՀՀԿ-ն: Հիմա ՀՀԿ-ն այս հարցում միայնակ չէ: Չգիտենք ում խորհուրդով, չգիտեն ինչու հիմա էլ ժողովրդին մոլորեցնելու գործին է լծված «Ելք» դաշիքնը եւ նրա առաջնորդներից երկուսը՝ Նիկոլ Փաշինյանն ու Արամ Զ. Սարգսյանը:

Այս երկու օր է նրանք առիթն օգտոգործում են հայտարարելու համար, թե բա սոցհարցումներով եւ այլ դիտարկումներով առաջին երկուսը ՀՀԿ-ն ու ԲՀԿ-ն է, իսկ մենք երրորդն ենք:

Հետո շտապում են ավելացնել, թե բա էս երրորդ տեղը մեզ չի բավարարում եւ դիմում են բազմաչարչար ընտրողին եւ ասում, թե քանի որ մենք արդեն երրորդն ենք, ապա որ ընդդիմության ձայները չփոշիանա քվեարկեք «Ելքի» օգտին: Ահա այսպիսի էժանագին հնարք:

Իրականում «Ելքը» մոտ է վեցերորդ տեղին, քան երրորդին: Տարօրինակ է նաեւ, որ իրենց ընդդիմադիր համարող գործիչները շտապում են ՀՀԿ-ին բազմացնել առաջին տեղում: Բոլորը, այդ թվում «Ելքը» քաջատեղյակ են, որ ՀՀԿ-ի վարկանիշը ավելի շուտ մոտ է զրոյին:

Հիմա ՀՀԿ-ին գովազդող ուժը, որ իրեն ընդդիմադիր է համարում, փորձում է ցածրակարգ ֆոկուզնիկի հնարքով խաբել ժողովրդին: Իսկ ժողովուրդը գիտի, թե ինչպես է վարվում տրյուկաչների հետ, այն տրյուկաչների, որոնք չգիտես որտեղով ուր են մտել եւ հիմա էլ ելք են փնտրում:

Ի դեպ, իրենց ընդդիմադիր համարող ուժը, չգիտես ինչու, այդպես էլ չդատապարտեց Ջրառատի դեպքերը եւ ծպտուն չի հանում եւ չի դատապարտում ազգային հերոս Սամվել Բաբայանի ձերբակալությունը:

Վարդան Մխիթարյան