Ռիվալդո. Եթե «Ռեալը» դարձյալ պարտվի «Բարսելոնային», բոլորը կխոսեն Մոուրինյոյի մասին
«Բարսելոնայի» եւ Բրազիլիայի հավաքականի նախկին կիսապաշտպան Ռիվալդոն կանխատեսել է, որ եթե «Ռեալը» Իսպանիայի առաջնության 26-րդ տուրի խաղում էլ պարտվի «Բարսելոնային», ապա Արքայական թիմի արգենտինացի գլխավոր մարզիչ Սանտյագո Սոլարին պաշտոնանկ կարվի, իսկ թափուր տեղի գլխավոր հավակնորդը կլինի պորտուգալացի Ժոզե Մոուրինյոն, որը «Մանչեսթեր Յունայթեդից» հեռացվելուց հետո դեռ թիմ չունի:
«Այսօրվա խաղը վճռական կլինի Սոլարիի համար: Զարմանալի չէ, որ իրավիճակը բարդանում է նրա համար: Եթե նա դարձյալ պարտվի տանը «Բարսելոնային», ապա «Ռեալը» արդեն երկրորդ մրցաշարը տանուլ կտա կատալոնական թիմին:
Գլխավոր մրցակցից երկու պարտությունը երեք օրում կարող է մեծ հարված լինել Սոլարիի համար: Այդ դեպքում, դարձյալ բոլորը կխոսեն Մոուրինյոյի մասին: Նա փայլուն մարզիչ է, որը հաջողություն է ունեցել «Ռեալում»: Իսկ նրա վերադարձը շատ իրական է, եթե ամեն ինչ այսպես ընթանա»,- 46-ամյա Ռիվալդոյի խոսքը մեջբերում է Marca-ն:
Հիշեցնենք, որ Իսպանիայի գավաթի խաղարկության կիսաեզրափակիչի պատասխան խաղում «Ռեալը» Մադրիդում «Բարսելոնային» պարտվեց 0:3 հաշվով: Իսպանիայի առաջնության «Ռեալ» - «Բարսելոնա» հանդիպումը մարտի 2-ին է եւ կմեկնարկի Երեւանի ժամանակով 23:45-ին:
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Առողջապահության նախարարությունը՝ Գագիկ Խաչատրյանի առողջական վիճակի մասին
Սիրո անունը Հայաստան է
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Ընթանում է Գարեգին Բ-ի և 6 եպիսկոպոսի գործով դատական նիստը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
ԱԺ դահլիճում չարժի աստվածաբանական վեճեր ծավալել․ Ռուբինյան
Հակակոռուպցիոն դատարանում շարունակվել է «Մարտի 1»-ի գործով դատավարությունը
Արմավիրի քրեական ոստիկանները բացահայտել են նախկինում կատարված բնակարանային երեք գողություն (տեսանյու...