«Իզուր էլ եկել է, էնի մեզի ի՞նչ նախագահ». գյումրեցիները Սերժ Սարգսյանի Գյումրի այցի մասին

Սերժ Սարգսյանը ՀՀ նախագահի պաշտոնում է արդեն 9 տարի: 2018 թվականին կլրանա մեկ տասնամյակ, ինչ կառավարող ՀՀԿ-ի առաջնորդ Սարգսյանը նախագահի աթոռին է: Այս տաս տարիների ընթացքում ի՞նչ է արել Սերժ Սարգսյանը, դժվար է ինչ-որ բան հիշելը, քանի որ գրեթե կատարած աշխատանք չկա: Ոչ ոքի համար գաղտնիք չէ, որ Սերժ Սարգսյանը չի վայելում հասարակական հարգանք` ոչ որպես ՀՀ նախագահ եւ ո՛չ որպես ՀՀԿ առաջնորդ:

Այս ամենին Սերժ Սարգսյանը հասել է իր ոչ արդյունավետ կառավարման արդյունքում: Մի կողմ թողնենք ասված ու չարված խոստումները: Դիտարկենք մի պարզ պատճառ, թե ինչու՞ Սարգսյանը չի վայելում իր քաղաքացիների հարգանքը:

Մի քանի տարվա դադարից հետո, նախագահի պաշտոնը զբաղեցնող Սերժ Սարգսյանը ժամանել էր Գյումրի: Այցի նպատակը առաջիկա խորհրդարանական ընտրություներն էին: Սարգսյանը հանդիպել է թեկնածուների հետ, կարգադրույթուններ, ցուցումներ տվել եւ պահանջել՝ ապահովել անցողիկ ձայներ:

Երկու տարի Գյումրի չայցելած Սերժ Սարգսյանը նույիսկ հայացք չգցեց այն աղքատ գյումրեցիների ուղղությամբ, ովքեր, նամակները ձեռքներին, մի քանի ժամ սպասում էին իրեն:

Նախագահը թիկնազորով եկավ, մտավ Գյումրու տեղեկատվական տեխնոլոգիաների կենտրոնը, մի քանի ժամ իր ժողովը անելուց հետո դուս եկավ: Նա կրկին անտեսեց աղքատ գյումրեցիներին եւ հեռացավ: 

Հավանաբար նրա թիկնազորն էլ համապատասխան ցուցումներ ուներ, որ ոչ մի աղքատ գյումրեցու թույլ չտար մոտենալ նախագահին: Մենք փորձեցինք հավաքված քաղաքացիներից հետաքրքրվել, թե ի՞նչ նպատակով են եկել, ի՞նչ է պարունակում նամակներում:

«Ես 30 տարի դոմիկի մեջ կապրիմ: Եկել եմ, որ հասկնամ, թե էս մեր նախագահը ընչի՞ իմ տան հարցը չի լուծե, բայց էս միլիցեք առաջ չեն թողնե գնամ: Կհրեն, կվախեցնեն, որ Սերժին բան չսեմ»,- դժգոհելով նշեց գյումրեցի 60–ամյա Անահիտ Մարտիրոսյանը:

Զրույցի արդյունքում պարզեցինք, որ կան նաեւ նամակներ, որոնց բովանդակությունը վերաբերում էր աղքատությանը, գործազրկությանը, վարկերի տոկոսների մարմանը, դեղերի գումարի բացակայությանն ու այլն:

«Իզուր էլ եկել է, էնի մեզի ի՞նչ նախագահ, մե բանմ էրած չկա: Դեմը ընտրություն է եկել է, որ ձայներ գողնա, էլի նախագա դառնա՝ մեր փողերը ուտե»,- նշեց մեկ այլ քաղաքացի, ով հրաժարվեց նշել իր անունը:

Նկատենք, որ Սերժ Սարգսյանին մոտենալու հնարավորություն չընձեռվնեց նաեւ լրատվամիջոցներին: Սարգսյանին պահպանում էր եռաշերտ պահակազորը:

Զարմանալի է, բայց փաստ, որ այս ամենից հետո, հանրապետական կուսակցությունը Գյումրիում առաջադրել է 13 վարկանիշային թեկնածու, ովքեր գրեթե ընդունված չեն ընտրազանգվածի կողմից:

Դավիթ Գասպարյան, Գյումրի