«Միանալով փորձառու ռազմավարի, հմուտ դիվանագետի՝ որոշեցինք ուժերը հավաքել, ոչ թե տարանջատել». Րաֆֆի Հովհաննիսյան
Արագածոտնի մարզում «Օհանյան–Րաֆֆի–Օսկանյան» դաշինքի ընտրարշավի հաջորդ կայանն Ապարանն էր, որտեղ դաշինքի անդամներին է միացել Րաֆֆի Հովհաննիսյանը։ Ապարանցիներին ուղղած իր ելույթում Րաֆֆի Հովհաննիսյանը, մասնավորապես, ասել է.
–Գրեթե 99 տարի առաջ այս հովտում վճռվեց Սարդարապատի և հայ ժողովրդի ճակատագիրը։ Չլիներ բոլոր կուսակցությունների, հարևանների, միասնությունը, այսօր չէինք ունենա ինքնիշխան Հայաստան, չէինք ունենա ազատ Արցախ, և պարզապես հայոց պետականությունը կանցներ պատմության գիրկը։
«Ժառանգությունը», հավատարիմ լինելով իր սկզբունքներին, դրել է ազգի շահը, ձեր յուրաքանչյուր քաղաքացու շահը իր կուսակցական դրոշից ավելի բարձր։ Մենք, միանալով փորձառու ռազմավարի, հմուտ դիվանագետի, որոշեցինք միացյալ այդ պատվանդանը ստեղծել, ուժերը հավաքել, ոչ թե տարանջատել՝ ի մի բերելով Հայաստանի և Արցախի, ինչպես նաև Սփյուռքի ողջ պաշարները՝ ազատվելու այս կուսակցապետությունից և, ի վերջո, Հայաստանը դարձնելու ռեգիոնալ համապարփակ լիդեր բոլոր առումներով՝ անվտանգություն, ազատություն, գիտություն, սպորտ, մշակույթ։ Մենք այդ ներուժն ունենք, և մենք պարտավոր ենք փոխանցել նոր սերնդին, մատղաշ սերնդին, ապագա մեր քաղաքացիներին այդ ազատությունը, այդ անկախությունը, այդ ինքնիշխանությունը, ստեղծագործ Հայատսանը, որի համար պայքարեցին մեր պապերը։
Մենք պատրաստ ենք, որպես միացյալ թիմ, համագործակցել ձեզ հետ, այլ կուսակցությունների, դաշինքների, քաղաքացիական խմբերի հետ, որոնք կիսում են մեր չափանիշները և արժեքները։
Մենք, անտարակույս, հաղթելու ենք։
7or.am


















































Րաֆֆի Հովհաննիսյան. ՀՀԿ-ն այլեւս չի կարող կառավարել
Ամերիկյան հանդիպումներից հետո Րաֆֆի Հովհաննիսյանը միացավ քարոզարշավին
Սեյրան Օհանյանի վճռական քայլը
Հնդիկները զարմացան տեսնելով Րաֆֆի Հովհաննիսյանին
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Պարզեցվել է անհատական բնակելի տների կառուցման գործընթացը
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի հարստացված ուրանի պաշարները միջուկային օբյեկտների փլատակներում են
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Բեռնում տեղի է ունեցել Հայաստանի ռեզիդենտ դեսպանության պաշտոնական բացման արարողությունը
Իրանի հավաքականները կարող են որակազրկվել և հեռացվել ՖԻՖԱ-ի բոլոր հետագա մրցաշարերից