Կապանում ՕՐՕ դաշինքին դիմավորեցին աղ ու հացով, ճանապարհեցին՝ խաղաղության աղավնիներով

Այսօր Սյունիքի մարզում ավարտվել է «Օհանյան-Րաֆֆի-Օսկանյան» դաշինքի նախընտրական քարոզչությունը: Դաշինքի թեկնածուները նախ եղել են Ագարակ, Մեղրի քաղաքներում, ապա` մարզկենտրոն Կապանում:

Կապանցիներին «Օհանյան-Րաֆֆի-Օսկանյան» դաշինքի թեկնածուները իրենց գաղափարախոսությունը ներկայացրեցին կենտրոնական հրապարակում, որը բազմամարդ էր:

Դաշինքի ներկայացուցիչներին կապանցիները դիմավորեցին աղ ու հացով, որից հետո Օհանյանը, Օսկանյանը եւ Մարտիրոսյանը շրջեցին հրապարակում, լսեցին քաղաքացիների հարցերը՝ տալով բավարար պատասխաններ: Անլուծելի հարցերին խոստացան լուծում տալ ընտրություններից հետո:

Վերջում՝ կապանցիները հաղթանակ մաղթելով ՕՐՕ դաշինքին եւ ի նկատի ունենալով դաշինքի համակիրների հետ տեղի ունեցած դեպքերը Ջրառատ գյուղում, քարոզչության ավարտին երկու ճերմակ աղավնի թռցրեցին Կապանի կապույտ երկնքում:

Դավիթ Գասպարյան

Top-News.am

Այս թեմայով Ստեփան Մարգարյան. «Նոնսենս է ՀՀԿ–ի վերարտադրվելը» Ահա այն ուժը, որի հետ ժողովուրդը կարող է լուրջ հույսեր կապել (տեսանյութ) Տղերք, իսկ ինչո՞ւ չեն երեւում հրեշտակի ձեր թեւերը Գ. Եղիազարյան. Ապացուցեցին, որ «Օհանյան-Րաֆֆի-Օսկանյան» դաշինքը լրջագույն ընդդիմադիր ուժ է Վարդան Օսկանյան․ «Եթե իշխանությունները վերարտադրվեն, շատ բացասական հետևանքեր է ունենալու» (Տեսանյութ)