Ռահմոնը եւ Նազարբաեւը սատարում են Զասի թեկնածությունը ՀԱՊԿ գլխավոր քարտուղարի պաշտոնում

Տաջիկստանի նախագահ Էմոմալի Ռահմոնը այսօր հանդիպել է Բելառուսի ԱԽ պետական քարտուղար Ստանիսլավ Զասի հետ եւ պատրաստակամություն հայտնել սատարելու նրա թեկնածությունը ՀԱՊԿ գլխավոր քարտուղարի պաշտոնում։ Այս տեղեկատվությունը տեղադրված է Տաջիկստանի ղեկավարի կայքում՝ հայտնում է ԲԵԼՏԱ-ն։

«Կողմերը կարծիքներ են փոխանակել ռազմական, ռազմատեխնիկական համագործակցության, տարածաշրջանում խաղաղության եւ կայունության ապահովման ոլորտներում երկկողմ եւ բազմակողմ փոխհարաբերությունների հարցերով։ Ընդգծվել է Հավաքական անվտանգության պայմանագրի կազմակերպության կարեւոր դերը միջազգային ահաբեկչության եւ ծայրահեղականության, թմրամիջոցների եւ զենքի անօրինական շրջանառության, կազմակերպված եւ տրանսազգային հանցավորության դեմ պայքարում անդամ-երկրների համակարգման հարցում»,- ասվում է հաղորդագրության մեջ։

Էմոմալի Ռահմոնը եւ Ստանիսլավ Զասը վստահություն են հայտնել, որ տարածքային անվտանգության եւ կայունության համար անհրաժեշտ է ՀԱՊԿ-ում կնքված, այդ թվում՝ Աֆղանստանի հետ սահմանները ամրապնդելու համար Տաջիկստանին նյութատեխնիկական օգնության տրամադրման, ինչպես նաեւ համապատասխան աշխատանքային խմբերին աջակցության, կազմակերպության մասնակից-երկրների հավաքական փոխազդեցության ամրապնդման մասին համաձայնագրերի իրականացում։

Նախօրեին Ստանիսլավ Զասին իր աջակցությունն էր հայտնել նաեւ Ղազախստանի նախագահ Նուրսուլթան Նազարբաեւը։

«Դուք զինվորական եք եւ ունեք համապատասխան կրթություն։ Աշխատել եք Բելառուսի Հանրապետության Ազգային անվտանգության Գլխավոր շտաբում։ Մենք կաջակցենք Ձեզ»,- Զասի հետ հանդիպման ժամանակ ասել էր Նազարբաեւը։

Այս թեմայով Պեսկով. ՌԴ-ն կշարունակի Հայաստանի հետ պարզել Փաշինյանի խոսքերը ՀԱՊԿ-ում աշխատանքի «սառեցման» մասին Հայաստանը եղել և մնում է դաշնակից․ ՀԱՊԿ գլխավոր քարտուղար ՀԱՊԿ գլխավոր քարտուղարի հարցը կորոշվի մայիսի 22-ին ՀԱՊԿ-ի գլխավոր քարտուղարի պաշտոնի անորոշությունը ցավալի է կազմակերպության համար ՀՀ վարչապետը չի պատասխանում հանդիպելու առաջարկին. Ստանիսլավ Զասը` ՀԱՊԿ գլխավոր քարտուղարի պաշտոնում իր նշանակման մասին