Չինաստանում ձերբակալել են կանադացի նախկին դիվանագետի. Reuters

Գործակալության տվյալներով, կալանավորված կանադացու անունը Մայքլ Կովրիգ է, որը Չինաստանում աշխատում է International Crisis Group ՀԿ-ում: Կազմակերպությունը զբաղվում է զինված հակամարտությունների ուսումնասիրությամբ:

Կանադայի իշխանությունները դեռ պաշտոնապես չեն հաստատել Կովրիգի ձերբակալությունը: 2016թ.-ին Հոնկոնգ կատարած այցի ժամանակ վարչապետ Ջասթին Թրյուդոյի պատվիրակությունը գլխավորել է Կովրիգը, հայտնում է CTV News-ը:

Հայտնի չէ Կովրիգի կալանքը կապված է արդյոք Մեն Վանչժոուի ձերբակալության հետ, սակայն Չինաստանը սպառնացել է Կանադային Huawei-ի ֆինանսական տնօրենին ազատ չարձակելու դեպքում պատասխան քայլեր ձեռնարկել:

Մեն Վանչժոուին ձերբակալել է դեկտեմբերի 1-ին Վանկուվերում՝ Միացյալ Նահանգների խնդրանքով: Ֆինանսական տնօրենը կասկածվում է Huawei ապօրինի սխեմային մասնակից լինելու մեջ, որով խախտվել էր Իրանի դեմ կիրառվող պատժամիջոցների ռեժիմը:

Չինական ընկերությունում հայտարարել են, որ տեղյակ չեն Մեն Վանչժոուի հավանական անօրինական գործունեության մասին: ԱՄՆ իշխանությունները պնդել են, որ իրենք զգուշացրել են չինական ընկերությանը, որ պետք չէ Իրանում բիզնես գործունեություն իրականացնել: