Հիմա միայն ՀՀԿ-ն ու Ադրբեջանն են ձեռք ձեռքի տված հայերի վրա կրակում

Ջրառատում տեղի ունեցած դեպքերը՝ երիտասարդների վրա կրակելը, ցույց են տալիս ՀՀԿ-ի իրական դեմքն ու իրական դերակատարներին: Այս խայտառակ հանցագործությունը¸ որի անմիջական մասնակիցն են Երանոսյան եղբայրները¸ ցույց է տալիս¸ թե իրականում ինչ թիմով է Սերժ Սարգսյանը գնում ընտրությունների:
Էն պուպուշ պնախն ու արդարադատության նախարարուհին¸ «միամիտ»
քաղաքապետի հետ ընդամենը շիրմա են. «անվտանգություն և առաջընթաց» ապահովողը Լևոն Երանոսյանն է լինելու՝ իր մարդասպան եղբայրներով ու մնացած հանցագործներով: Այս ամենը մեզ պետք է սթափեցնի¸ այդ երեխաների փոխարեն¸ որոնց վրա Սերժ Սարգսյանի ենթականերն այսօր կրակել են¸ հանգիստ կարող էինք լինել մենք ու մեր երեխաները. ոչ Լևոն Երանոսյանը¸ ոչ էլ Սերժ Սարգսյանի մնացած սպասավորները որևէ սրբություն չունեն¸ նրանց միակ սրբությունը փողն է, ու դրանով էլ նրանք առաջնորդվում են:
Ես չգիտեմ¸ թե Երանոսյանն ինչ է արել Արցախյան ազատամարտի տարիներին¸ սակայն այն¸ ինչ անում է հիմա, ցույց է տալիս¸ որ այն ժամանակ էլ նա աշխատում ու կռվում էր բացառապես փողի համար: Այն ժամանակ պարզապես շահավետ էր թուրք սպանել¸ իսկ հիմա հային սպանելն է շահավետ:
Այս մարդիկ քրեական հանցագործներ են¸ և այն¸ որ նրանք չեն ձերբակալվել, ցույց է տալիս¸ որ Սերժ Սարգսյանը հավանություն է տալիս այդ հանցագործություններին և խրախուսում է դա: Սա՛ է Սերժ Սարգսյանի խոստացված «անվտանգությունն ու առաջընթացը»: Պատկերացնում եմ՝ մեր թշնամիները հիմա սա տեսնելով՝ ինչպես են ուրախանում: Բացառված չի¸ որ շուտով նաև Էրդողանին տեսնենք ՀՀԿ-ի քարոզարշավին: Հիմա միայն ՀՀԿ-ն ու Ադրբեջանն են ձեռք ձեռքի տված հայերի վրա կրակում:
Հրանտ Ենոքյանի ֆեյսբուքյան էջից