Ճերմակաբաշ ձին համացանցի աստղ է դարձել (լուսանկարներ)

Նիդեռլանդների ֆերմաներից մեկում բնակվող Սթորմ մականունով ձին իր շքեղ բաշի շնորհիվ սոցցանցերի, մասնավորապես՝ Instagram-ի աստղ է դարձել:

Ինչպես նշում է Oddity Central-ը, 8-ամյա ձին բոլորի ուշադրության կենտրոնում է հայտնվել երկար ալիքաձև բաշի շնորհիվ, որը ճերմակ է`բաց ոսկեգույն երանգով:

Կենդանու ներկայիս տերը՝ 24-ամյա ուսանողուհի Նաոմի Բեքերսը, պատմել է, որ Սթորմին գնել է երկու տարի առաջ, երբ, ձիուն առաջին անգամ տեսնելով, սիրահարվել է նրա բաշին:

Նշվում է, որ ձիու բաշը վերջին անգամ կտրվել է վեց տարի առաջ:

Ուսանողուհին խոստովանել է, որ Սթորմի համար ինստագրամյան էջ բացելիս չի էլ պատկերացրել, որ ձին կարող է համընդհանուր ուշադրության կենտրոնում հայտնվել: Հայտնի է, որ Սթորմի էջն ունի ավելի քան 35.000 հետևորդ:

Այժմ Սթորմի բաշի երկարությունն ավելի քան 1 մ է, ինչի համար նրան անվանում են «ձիերի Ռապունցել»: 

Այս թեմայով «Այլմոլորակային» մողեսները հարձակվել են ամերիկացիների վրա Քենիայի արգելոցում լուսանկարիչը ֆիքսել է ընձառյուծների «ակրոբատիկ հնարքները» (լուսանկարներ) Մեդուզային օդ նետող դելֆինը դարձել է համացանցի աստղ (տեսանյութ) WWF-Հայաստանը «Արևիք» ազգային պարկում ընձառյուծ է լուսանկարել Ալյասկայում որմզդեղնը տապից պաշտպանվելու հիանալի միջոց է գտել (տեսանյութ)