Պուտինը և Լուկաշենկոն վիճել են գազի գների շուրջ

Ռուսաստանի նախագահ Վլադիմիր Պուտինը և Բելառուսի նախագահ Ալեքսանդր Լուկաշենկոն վիճաբանել են գազի գների վերաբերյալ Մինսկի համար ԵԱՏՄ միասնական էներգետիկ տարածք ստեղծելու համատեքստում՝ գրել է lenta.ru-ն։

«Ես ուշադրություն եմ հրավիրում այն բանի վրա, որ այսօր Բելառուսում հազար խորանարդ մետրի համար գինը 129 դոլար է, հաջորդ տարի այն կկազմի 127 դոլար, իսկ Գերմանիայում` 250 դոլար: Սա, անկասկած, մեծ առավելություն է Եվրասիական միությունում մեր դաշնակիցների համար, չնայած, իհարկե, մենք պետք է ձգտենք լիակատար միավորման», – ասել է Պուտինը:

Ի պատասխան Լուկաշենկոն ասել է, որ Մինսկի գլխավոր գործընկերը «ցավոք սրտի, կամ բարեբախտաբար, Գերմանիան չէ, այլ Ռուսաստանի Դաշնությունը»: Ռուսաստանին նա անվանել է միաժամանակ գլխավոր գործընկեր և գլխավոր մրցակից։ Որպես օրինակ, Բելառուսի ղեկավարը բերել է տրակտորների արտադրությունը, որը 60-70 տոկոսով բաղկացած է ռուսական մասերից: «Ուստի մենք պետք է հավասար պայմաններ ունենանք, առաջին հերթին Ռուսաստանն ու Բելառուսը», – պնդել է Լուկաշենկոն:

Բելառուսի ղեկավարը ԵԱՏՄ-ի գործընկերներին կոչ է արել արագացնել միասնական էներգետիկ շուկայի ստեղծումը: «Եթե մենք գնանք դրան, ապա հարց չի լինի, մենք հասկանում ենք, որ դա մեկ տարի հետո չի լուծվի», – ասել է Լուկաշենկոն: Պուտինը վստահեցրել է իր գործընկերոջը, որ դրա համար անհրաժեշտ փաստաթղթեր են նախապատրաստվում։

«Եթե Բելառուսը չունենար ինտեգրման հետ կապված այս առավելությունները, և գինը ձևավորվեր շուկայական սկզբունքների վրա, ապա դա կլիներ ոչ թէ 129 դոլար, այլ 200, դա է տարբերությունը», – ասել է Պուտինը: Ի պատասխան, Լուկաշենկոն սկսել է պնդել, որ այդ հաշվարկները ճիշտ չեն:

«Մենք ավելի վատ պայմաններ ունենք, քան Գերմանիան, ես մի անգամ չէ, որ խոսել եմ դրա մասին: Մենք միասին ենք պայքարել Գերմանիայի դեմ, և մեր ժողովուրդը, ովքեր պատերազմից հետո դեռ չեն մահացել, ունեն նման իրավիճակ», – ասել է Լուկաշենկոն: