ԱՄՆ-ն Պարսից ծոց նավեր կուղարկի. ԶԼՄ-ներ

ԱՄՆ ՌԾՈՒ նավերի խումբն առաջիկա օրերին Պարսից ծոց մուտք կգործի`Իրանին իրենց ուժը ցուցադրելու համար: Այս մասին հաղորդում է The Wall Street Journal-ը:

Պարբերականի համաձայն՝ ամերիկյան John C. Stennis ավիակիրը և ԱՄՆ այլ նավերի խումբը շաբաթվա վերջում մերձավորարևելյան տարածաշրջանում կհայտնվի:

Դա կդառնա առաջին այդպիսի գործողությունը՝ վերջին ութ ամսվա ընթացքում:

Պենտագոնում աղբյուրները նշել են, որ John C. Stennis-ը տարածաշրջանում, ամենայն հավանականությամբ, շուրջ երկու ամիս կգտնվի, որի մեծ մասը Պարսից ծոցում կանցկացնի:

Նրանց խոսքով`ավիակրի ներկայությունը զսպող գործոն է հանդիսանում տարածաշրջանային ջրերում Իրանի ցանկացած թշնամական գործողության համար: