Saxo Bank-ը «ցնցող կանխատեսումներ» է հրապարակել 2019թ. համար

Saxo Bank-ը «ցնցող կանխատեսումներ» է հրապարակել գալիք տարվա համար: Ինչպես նշվել է, դրանք վերաբերում են հիմնականում քիչ հավանական, բայց թերագնահատված իրադարձություններին: Ընդգծվում է, որ տվյալ կանխատեսումները Saxo-ի շուկայական պաշտոնական տեսությունը չեն:

Մասնավորապես, կանխատեսումներում նշվում է, որ կլիմայի գլոբալ փոփոխության վերաբերյալ անհանգստությունները 2019թ. կարող են համաշխարհային տրանսպորտային հարկի ներդրման պատճառ հանդիսանալ, որը կտարածվի ավիատոմսերի և «նավերի տոննաժի» վրա: Սա կհանգեցնի ավիատոմսերի և ծովային ապրանքափոխադրման գնաճի:

Հավանական է համարվում նաև, որ տեղի կունենա արևային հզոր բռնկում, որը կհանգեցնի քաոսի և 2 տրիլիոն դոլարի վնաս կպատճառի:

Ըստ կանխատեսման, ԱՄՆ նախագահ Դոնալդ Թրամփը կարող է պաշտոնանկ անել Դաշնային պահուստային համակարգի ղեկավար Ջերոմ Փաուելին:

Բանկի կանխատեսումներում կա նաև Tesla-ի հնարավոր կլանումը Apple-ի կողմից, որը որոշել է մուտք գործել ավտոշուկա: